لیکنه: محمدصابر حمیدي
د افغانستان کرکټ ملې لوبډلې پخوانی لوبغاړی شېرمحمد ناصري د څلورو کلونو راهیسې د څرخي پله په زندان کي بندي دی.
د پژواک خبري اژانس د راپور له مخي شېر محمد ناصري د کرکټ ملې لوبډلې پخوانی لوبغاړی وو، چې اوس په څرخي پله زندان کې شپې او ورځې سبا کوي.
راپور کې راځي، چې تېر کال د ښاغلي ناصري سره د ملې لوبډلې دوو تنو تکړه لوبغاړو محمدنبي عیسی خېل او نجیب الله ځدران هم کتلي وه، خو دا لیدنه یې د خلاصون لپاره کومه مثبته ګټه ونه رسوله.
دا چې ولې هغه بندي دی تراوسه یې په اړه معلومات نشته.
خو پر ټولنیزو رسنیو یو شمېر هیوادوال وايي شېرمحمد ناصري ته د یوې دسیسې له مخې ورته قضیه جوړه شوې وه او بې ګناه زندان ته اچول شوی.
د کرکټ مینوال له افغان حکومته غواړي، چې په دې تړاو پلټني وکړي او له انصافه کار واخلي.
