د افغانستان د معلولینو کرکټ ملي لوبډله د هندوستان ممبيي ته د یو شمیر سیالیو د ترسره کیدو په موخه په سفر تللې، چې نن یې د ۵ لوبو د لړۍ لمړۍ پیل کیږي.
د افغانستان د کرکټ بورډ د معلوماتو له مخې، افغان لوبډله به د روانې ډیسمبر میاشتې له ۹ مې نېټې څخه تر ۱۷ پورې د خپلې سیالېهندۍ معلولینو کرکټ ملي لوبډلې خلاف په درې ۲۰ اوریزه او دوه ۵۰ اوریزه سیالیو کې ولوبیږي.
د کرکټ بورډ په وینا د افغان لوبډلې دغه سیالیو ته د لا ښه تیاریو په موخه په کابل کې تمریناتي کمپ هم پیل شوی و او بیا هند ته د سفر خبره کړې.
د معلوماتو پر اساس د لمړۍ ۲۰ اوریزه سیالۍ وروسته به دویمه ۲۰ اوریزه لوبه د همدغه میاشتې په ۱۱ او دریمه ۲۰ اوریزه لوبه به په ۱۳ مه نیټه ترسره شي.
همدا راز د دوه ۵۰ اوریزه سیالیو لمړۍ به ډیسمبر په ۱۵ مه او دویمه سیالي به په ۱۷ مه نېټه ترسره شي، چې ورسره به دغه لړۍ هم پای ته ورسیږي.