ټاکل شوې وه، د روانې سیپټمبر میاشتې په لسمه نېټه د شپږیزه کرکټ لیګ اتم پړاو لوبې د اتو لوبډلو ترمنځ د کابل په نړیوال کرکټ لوبغالي کې پیل شوي واي، خو افغان کرکټ بورډ د یوې اعلامیې په خپرولو سره د ځنډېدو خبر ورکړ.
ددې لیګ لپاره د لوبغاړو رانیولو مراسم، چې تېره پنجشنبه ترسره شوه، افغان کرکټ بورډ د یوې اعلامیې په خپرولو سره ویلې، د افغانستان کرکټ بورډ او د شپږیزه کرکټ لیګ د ټولو لوبډلو د امتیاز لرونکو سره په ګډې همغږۍ د دغه لیګ اتم پړاو په هېواد کې د روان وضیعت او په ځانګړي ډول د مالي او بانکي ستونزو له امله وځنډاوه.
یاده اعلامیه کې راغلې، د یوې ناستې په ترڅ کې چې د افغانستان کرکټ بورډ د سرپرست عمومي رئیس عزیزالله فضلي، اجرایوي رئیس ډاکټر حامد شینواري او د شپږیزې لیګ کمېټې ترڅنګ د ټولو لوبډلو امتیاز لرونکو ګډون درلود، دوی د بشپړ او هر اړخیز تفصیلي بحث او خبرو اترو څخه وروسته پرېکړه وکړه، ترڅو د شپږیزې کرکټ لیګ اتم پړاو په هېواد کې د روان مالي وضیعت له امله تر نامعلومې نېټې وځنډوي.
ددې ترڅنګ د افغان کرکټ بورډ له لورې په یاده اعلامیه کې ویل شوي، په دغه ناسته کې همدا راز پرېکړه وشوه، ترڅو د شپږیزې کرکټ لیګ اتم پړاو به په یو مناسب فرصت کې په ښه ډول سره ترسره شي.
https://www.facebook.com/1585279335059992/posts/3016819345239310/
