د هند آی پي ایل سیالیو څوارلسم پړاو لیګ ۲۹ سیالۍ د هند په کوربتوب ترسره شوې، خو له هغه وروسته یې یو شمېر لوبغاړي په کورونا اخته شول او ددې لیګ ۳۱ لوبې وځنډېدې.
ددې لیګ تر ځنډېدو وروسته اسټرالیا، سریلانکا، انګلستان او متحده عربي اماراتو د هند کرکټ بورډ ته ویلې وه، تر څو ددې لیګ د پاتې لوبو کوربتوب ورکړي او ډاډ یې هم ورکړی و، چې له هر ډول ستونزو پرته به د ټولو سیالیو کوربتوب وکړي.
خو د هند کرکټ بورډ مسئولینو تر ناستي وروسته رسمي پرېکړه وکړه، ترڅو د آی پي ایل لیګ پاتې ۳۱ لوبې به په متحده عربي اماراتو کې د راتلونکې سیپټمبر میاشتې له ۱۹مي بیا د اکتوبر میاشتې تر ۱۵مي نېټې پوري ترسره شي.
ددې لیګ د پاته لوبو تازه اعلان شوی مهالوېش
د هند آی پي ایل ځنډېدلې سیالۍ د راتلونکې سیپټمبر میاشتې په ۱۹مه نېټه بیرته پیلیږي، چې په لومړۍ لوبه کې به، چې د ټورنمنټ ۳۰مه لوبه کیږي، چینای سوپرکینګز د ممبي انډینز لوبډلې پر وړاندې د سیالي ډګر ته کښته سي.
دا لوبه د متحده عربي اماراتو په دُبۍ ښار کې ترسره کیږي.
🗓️ The dates are OUT!
Get ready for the #VIVOIPL extravaganza in the UAE 🇦🇪
FULL SCHEDULE 👇 pic.twitter.com/8yUov0CURb
— IndianPremierLeague (@IPL) July 25, 2021
تر ۲۹ سیالیو کولو وروسته د IPL جدول
۱ـ ډهلي کپیټلز؛ ۸ سیالۍ، ۶ یې ګټلې، ۱۲ نمرې لري.
۲ـ چینای سوپرکینګز؛ ۷ سیالۍ، ۵ یې ګټلې، ۱۰ نمرې لري.
۳ـ رویال چلینجرز بنګلور؛ ۷ سیالۍ، ۵ یې ګټلې، ۱۰ نمرې لري.
۴ـ ممبي انډینز؛ ۷ سیالۍ، ۴ یې ګټلې، ۸ نمرې لري.
۵ـ راجستان رویالز؛ ۷ سیالۍ، ۳ یې ګټلې، ۶ نمرې لري.
۶ـ پنجاب کینګز؛ ۸ سیالۍ، ۳ یې ګټلې، ۶ نمرې لري.
۷ـ کلکته نایټ رایډرز؛ ۷ سیالۍ، ۲ یې ګټلې، ۴ نمرې لري.
۸ـ سنرایزر حیدراباد؛ ۷ سیالۍ، ۱ یې ګټلې، ۲ نمرې لري.
