د پاکستان سوپرلیګ په شپږم پړاو کې د لاهور قلندرز لوبډلې اجرائیه رئیس سمین رانا په خپلو تازه څرګندونو کې د افغان لوبغاړي راشدخان څخه مننه کړې، چې ورسره په لوبډله کې ولوبېد او د بریا په موخه یې ورسره زیاتې هڅي وکړې.
سمین رانا پر خپلې رسمې ټویټرپاڼې پاکستان سوپرلیګ کې د راشدخان د توپاچونې ویډیو خپره کړې او ورسره لیکلې یې دي، موږ ته دا یو لوی ویاړ و، چې راسره لوبډله کې ولوبېدې او هیله لرو راتلونکی کال هم راسره لوبډله کې ولوبېږې.
هغه لیکلې:
«ستاسو له ټولو هڅو مننه، چې د لاهور قنلدرز لوبډلې لپاره ولوبېدې او ددې لوبډلې د بریا لپاره دي زیاتې هڅې وکړې، ستا لوبېدل موږ ته یو لوی ویاړ و او هیله لرو راتلونکي کال کې هم راسره لوبډله کې یوځای ولوبېږې.»
Thank you my dearest @rashidkhan_19 for all your efforts. Extremely thankful to you for playing @TheHBLPSL despite prior commitments . It’a an honour to have you @lahoreqalandars . can’t wait to see you in PSL7 .Lots of love and dua for your sucess ❤️❤️#MainhoonQalandar #dilse https://t.co/EOtcY28Unw
— Sameen Rana (@sameenrana) July 3, 2021
د پاکستان سوپرلیګ شپږم پړاو او پکې راشدخان
د پاکستان سوپرلیګ د تېرې جون میاشتې په ۲۴مه نېټه د ملتان سلطانز لوبډلې په اتلولۍ سره پای ته ورسېد، چې په پایلوبه کې یې پېښور زلمي لوبډلې ته په ۴۷ منډو توپیر ماتې ورکړه.
په یاد لیګ کې راشدخان ارمان د خپلې لوبډلې لاهور قلندرز لپاره ټولې اته لوبډلې وکړې او په یادو سیالیو کې یې ۱۱ ویکټې واخیستې، چې د زیات ویکټ اخیستونکو په لیست کې لسم مقام کې شتون لري.
راشدخان په دې لیګ کې د غوره توپاچونې په مټ غوره ایکانومي لرونکی لوبغاړی وپېژندل شو، چې د توپاچوني ایکانومي یې ۵،۴۷ وه.
ددې ترڅنګ په یوه لوبه کې هم ترټولو غوره توپاچونه د راشدخان ده، چې د شلو منډو په ورکولو سره یې پنځه لوبغاړي وسوځول.
