ګلبدين نائب پر خپل ټويټر اکاونټ حشمت الله شهيدي ته د لوبډلمشرۍ مبارکي ورکړې.
وروسته له هغې چې د افغانستان کريکټ بورډ پرېکړه وکړه چې حشمت الله شهيدي ته به د يو ورځنيو او ټیسټ لوبو د لوبډلمشرۍ مسوليت ورکوي د هيواد مشهورو څېرو او د کريکټ مينوالو ورته لبيک ووايه او د کريکټ بورډ وروستۍ پرېکړه يې وستايله .
خو د پريکړي له هماغه ساعته بيا د سې شنبې ترسهاره حشمت الله شهيدي ته کوم افغان لوبغاړي مبارکي نه وه ورکړې يوازنی لوبغاړی ګلبدين نايب دی چې نوموړي ته يې د هغه د نوي مسوليت مبارکي ورکړې.
ګلبدين نايب پر خپل ټويټر اکاونټ په انګليسي ژبه حشمت الله شهيدي ته د مبارکۍ تر څنګ داهم ليکلي چې راتلونکی سفر به يې ډېر ښه وي او نوی پړاو دې بختور وي.
Congratulations to @Hashmat_50 being named as the skipper of the @ACBofficials national team.I wish you all the very best in your journey ahead..
Good luck for your next chapter .. pic.twitter.com/aWesugp3S7— Gulbadin Naib (@GbNaib) June 1, 2021
تر ګلبدين نايب يو ساعت وروسته افتاب عالم هم نوي لوبډلمشر ته مبارکي ويلې او همدارنګه يې د اصغر افغان څخه هم مننه کړې چې په تېرو څو کلونو کې يې د کريکټ په برخه کې د افغانستان نمايندګي کړېده.
ګلبدين نائب په ۲۰۱۹ز نړيوال جام کې د اصغر افغان تر لېري کېدو وروسته د افغانستان نمايندګي وکړه خو د راشدخان او محمدنبي په ګډون اصغر د ګلبدين نايب لوبډلمشري ونه منله او د فرهان يوسفزي په مشرۍ کې بيرته اصغر لوبډلمشر وټاکل سو.