خبريال: مدثر دعوت
د باليووډ سېنما ښځينه اداکاره پريتي زينتا وايي ۲۰ ځلې يې د کرونا وېروس ازموينه ورکړې.
پريتي زينتا اوس مهال په عربي اماراتو کې ده او هر کله د ای پي ايل لېګ په لړ کې د خپلې لوبډلې “کپنګز ايليون پنجاب” د لوبو د تشويق لپاره لوبغالې ته ورځي.
د کرونا وېروس په خاطر ای پي ايل د هندوستان پرځای په عربي اماراتو کې د مينوالو په نشتون کې ترسره کېږي خو د لوبډلو مالکان کولای سي د خپلو لوبډلو لوبې د نيږدې وګوري.
پريتي پر خپل انسټاګرام اکاونټ د خپرې سوي ويډېو سره ليکلي چې د ۳ څخه تر څلورو ورځو وروسته د کرونا ټيسټ ازموينه ورکوي چې اوس يې تعداد ۲۰ ته رسېږي او وايي چې زه د کرونا وېروس ملکه يم.
https://www.instagram.com/p/CGj6FGVh_Fa/?igshid=1ien0pxlwtu5y
په همدې ويډيو کې پريتي د کرونا وېروس ټيسټ ورکوي چې په همدې مهال کې د روغتون د کارکوونکې صفت هم کوي.
د پريتي اړوند پنجاب لوبډله په تېرو ۳ لوبو کې بريا خپلوي او توانېدلې ده چې د ای پي ايل د لوبډلو په جدول کې پنځم ځای ونيسي خو دوی اړتيا لري چې خپلې راتلونکې ۳ لوبې هم وګټي.