فوټبال فدراسیون کې د لوبڅارانو مسوول د کورونا ویروس له امله مړ شو.
د افغانستان فوټبال فدراسیون پر خپلې رسمي فیسبوک پاڼې خبر ورکړی، چې په افغان فوټبال فدراسیون کې د لوبڅارانو مسوول استاد محمد نعیم کریمي د کورونا ویروس له امله مړ شو.
فوټبال فدراسیون وايي، چې هغه له ۲۰ کلونو راهیسي له افغان فوټبال فدراسیون سره په بیلابیلو برخو کې دندې ترسره کړې وې.
یاد فدراسیون وايي، چې استاد نعیمي د لوبڅارۍ په برخه کې له جرمني څخه یو نړیوال سند ترلاسه کړی وو او د هغه په وسیله یې دلته هیواد کې نور لوبڅاران روزل.
فوټبال فدراسیون د هغه پر مړینه خواشینې ښودلې او د فوټبال په برخه کې يې د هغه مړینه یوه لویه ضایع بللې.
