ژباړه: نجم الرحمن ناصري
ژوند لنډ دی له دې څخه چې له خپلو استعدادنو څخه ګټه پورته نه کړئ. تاسو له یوه مسوولیت سره نړۍ ته راغلي یاست چې افسانه یې شئ. دې نړۍ ته راغلي یاست چې ډېرې سترې پروژې په بریالیتوب ترسره کړئ، طراحي شوي یاست چې ډېرې بااهمیته موخې واقعیت کړئ او منځته راغلي یاست چې په دې وړوکې سیاره کې د ښېګڼې لپاره یو قوت اوسئ. د نړۍ ټول لوړپوړي کسان ښځې او نر ورکوونکي ول نه اخیسونکي.
موږ ټول د خپل وجود دننه کې د غورهوالي غوښتنه لرو. څوک اړ نه دي چې متوسط پاتې شي. څوک اړ نه دي چې د ټولنې د رایجه متوسطو کړو وړو تسلیم شي.
محدودیت له یوه ذهنیت څخه ډېر نور هېڅ هم نه دی چې د ټولنې متوسط خلک یې هره ورځ تمرین کوي چې د دوی د ژوند په رښتیا بدلېږي. له یاده ونه باسئ چې ستاسو بهانې په تاسو لار ورکوي وېره مو دروغجنه او شکونه مو غله دي.
مهمه نه ده چې تاسو د ژوند په کوم مسیر کې یاست. په هر حال هیله ده اجازه مه ورکوئ چې تېر وختونه مو له یوې روښانه راتلونکې څخه لرې وساتي. تاسو له خپلو اوسنیو شرایطو څخه ډېر پیاوړي یاست، ډېرې غټې بریاوې او روښانه سعادت ستاسو مسیر ته ننوځي.
تاسو دقیقاً په سم ځای کې ولاړ یاست، چې اړین پرمختګ دې یوه پوره اغېز لرونکي او له ثمره ډک ژوند لپاره ولرئ، چې د ډېرو سختو آزموینو په واسطه مو لاسته راوړی. د وخت کې هېڅ شی غلط نه دي، حتا که په نظر مو هر څه له مینځه تللي وي.
که داسې احساس لرئ چې سم ژوند نه لرئ، دلیل یې دا دی چې وېره مو له باورونو څخه څه ناڅه قوي ده. په تمرین سره کولای شئ چې د خپل وجود دننه وېره کمه کړئ او د وجود د قوي غړي غږ مو جګ کړئ. رښتیا دا ده چې تر اوسه مو چې هر بد موقعیت تجربه کړی، هغه ټول مضر خلک چې ورسره مخامخ شوي یاست او ټول آزمایښتونه مو چې درلودلي، د تاسو په اوسني شخصیت د بدلېدلو لپاره پوره چمتووالی و.
تاسو دې زدهکړو ته اړتیا درلوده، چې هغه زېرمې، استعدادونه او وړتیاوې چې اوس په تاسو کې وېښې دي، فعالې کړئ. هېڅ شی د یوې پېښې پر اساس نه ول، هېڅ شی بې ځایه نه دي تللي.
تاسو پر هغه ځای کې یاست چې باید اووسئ چې د خپلې خوښې ژوند مو پیل کړئ. هغه ژوند چې تاسې په دې نړۍ کې په يوه اغېزلرونکي کس بدلوي. تاسو کولای شئ نړۍ او حتا تاریخ ته بدلون ورکړئ.
کله چې شرایط سختېږي، مه تسلیمېږئ او دوام ورکړئ، بریا د سر سختو کسانو په نصیب کې ده.
