د افغانستان د کرکیټ ملي لوبډلي الراونډر لوبغاړي محمدنبي عیسی خېل د خپل خیریه بنسټ له لوري یو ځلي بیا د لسګونه غریبو خلګو سره په کابل او لوګر ولایتونو کي مرسته وکړه.
محمدنبي عیسی خېل پر خپلي رسمي فیسبوک پاڼه لیکلي، چي دا مرسته له هغو اړمنو کسانو سره وشوه، چي د کرنټین له امله له سختو مالي ستونزو سره مخ دي.
نبي د هیواد پر ټولو شتمنو خلګو هم ږغ کړی، چي د نبي خیریه بنسټ ملاتړ وکړي، تر څو د دې بنسټ له لوري اړمنو کسانو ته بیلابیلي مرستي ورسیږي.
د معلوماتو له مخي نبي خیریه بنسټ د کرنټین رامنځته کېدو سره سم د څو میاشتو راهیسي په کابل، کندز، ننګرهار، لغمان او لوګر ولایتونو کي له سلګونه غریبو کورنیو سره مرستي کړي.
دې وروستیو کي د محمدنبي عیسی خېل ترڅنګ د افغانستان کرکیټ ملي لوبډلي ګڼ شمېر لوبغاړو هم له غریبو کورنیو سره بیلابیلي مرستي وکړې.
د نبي خیریه بنسټ له لوري غریبو وګړو ته د مرستي وېشلو لړۍ: