پاکستان کرکټ بورډ (PCB) د میچ د جوړجاړي وړاندېز کولو او له دې وړاندیزه د ادارې نه خبرولو له امله درې کاله له کرکټ منع شو.
کرکټر عمر اکمل به د ۳ کالو لپاره د کرکټ له هر ډول لوبو بند وي.
یاده پرېکړه د پي سي بي ډسپلین کمیټې د عمر اکمل خلاف قضیه کې وکړه چې د یادې کمیټې ریئس “فیصل میرا چوهان” دی.
د فبروري پر شلمه پاکستان کرکټ بورډ “اینټي کرپشن” کوډ 4.7.1 مادو پر اساس د عمر اکمل په فوري توګه لوبې وځنډولي او د ” فساد ضد قانون ” له خوا یې په اړه څېړنې پیل شوې. د دغه ځنډ په وجه عمر اکمل د پاکستان له سوپر لیګ هم بې برخې شو.
وروسته داسې خبرونه خپاره شول چې عمر اکمل ته د میچ جوړجاړي وړاندېز شوی او هغه ددې وړاندیز په اړه کرکټ بورډ ته خبر نه و ورکړی.
له دې وروسته بیا د عمر اکمل د موبایل ډیټا د پاکستان کرکټ بورډ (پي سي بي) فساد ضد قانون له ځانه سره قید کړه. عمر اکمل یې راوغوښت دواړه موبایلونه یې ورڅخه واخیستل.
د ریکارډ له مخې پي ایس ايل ۲۰۲۰ نه مخکې د بکی په نوم یو کس عمر اکمل سره اړېکه نیولې او ده ته یې د جوړجاړي وړاندیز کړی و.
ددې موثقو او مهمو اسنادو له تر لاسه کولو وروسته پي سي بي څېړنې ترسره کړي چې بیا عمر اکمل د جوړجاړي په اړېکه نیولو اعتراف وکړ، خو د پي سي بي يا د لوبډلې د تنظیم ډلې د پر وخت نه خبرولو له امله یې لوبې وځنډول شوې.
د مارچ په ۲۰مه پر کرکټر عمر اکمل له فساد ضد قانونه د سرغړنې په تور دوسيه درج شوه او د مارچ تر ۳۱مې یې هغه ته وخت ورکړ چې ځواب ووايي. بلاخره د فساد ضد کوډ 4.2.2 په اساس نوموړی مجرم ثابت او محکمه کړای شو او درې کاله بندیز پرې ولګید.
