د هالیووډ وتلي ستوري وین ډیزل د (فسټ اینډ فیریس) فلمي لړۍ همکار اداکار ډواین جانسن مات کړ او د هالیووډ د ۲۰۱۷ کال تر ټولو ډیر عاید لرونکی اداکار شو.
ډواین جانسن چې په (راک The Rock) مشهور دی، د ډیر عاید لرونکو اداکارانو په نوملړ کې اوس دوهم ځای لري.
د فوربیز د راپور په اساس، د ټریپل ایکس فلم جوړونکي وین ډیزل فلمونو د ۲۰۱۷ کال له پیله تر پایه، په ټوله نړۍ کې یو عشاریه شپږ میلیارده ډالر ګټلي، چې ورسره د هالیووډ د ډیر عاید لروونکو اداکارانو د نوملړ په سر کې راغلی.
راک (جانسن) بیا سږ ۲۰۱۷ کال یو عشاریه پینځه میلیارده ډالر ګټل دي، چې په نوملړ کې دوهم ځای لري.
ګال ګاډاټ بیا د نجونو د نوملړ په سر کې ځای لري، چې په عمومي لیست کې له راک وروسته دریم ځای لري.
نوموړې د ونډر ومین Wonder Woman او جسټیس لیګ Justice League په څیر فلمونه سږ کال جوړ او خپاره کړل.
یما واټس بیا د ۲۰۱۷ کال د ډیر عاید لرونکو اداکارانو په نوملړ کې څلورم ځای خپل کړی. سږ کال د ایما واټسن کامیاب فلم (Beauty and the Beast) و. نوموړې ۱.۳ میلیاره ډالر عاید درلود.
د هالیووډ یواځې دوو ستورو جانی ډیپ او ډیسي ریډلي هم له یو میلیار ډیرې پیسې ګټلي، چې په نوملړ کې يې پینځم او شپږم ځای خپل کړی.