لیکنه : عبدالله عادل
۱۶ ورځي وړاندي په کندهار ولایت کي د ځوان خوځښت په نوم د فوټبال سېالۍ پيل سوي وې چي د جمعې په ورځ پای ته ورسېدې.
د فوټبال دا سېالۍ د یو خصوصي انستیتوت (شیرزي) پر لوبغالي د ۱۶ فوټبال لوبډلو ترمنځ په لاره اچول سوي وې چي پایلوبې ته یې د قول اردو ځوانانو او پیوند فوټبال لوبډلو لار موندلې وه.
په پایلوبه کښي دواړو لوبډلو ښه لوبه نندارې ته وړاندي کړه او د جام ګټلو لپاره یې ښې هڅي وکړې چي لوبه په ټاکلي وخت کي یو یو مساوي پای ته ورسېده او وروسته په پينالټیو کي ۵—۴ ګولونو په وړاندي لوبه د پیوند لوبډلي وګټل او د یادو سېالیو اتلولي یې خپله کړه.
دیادوني وړ ده چي ددې سېالیو څخه هدف په کندهار کي د تنکي ځوانانو ترمنځ د ورزش یا په ځانګړي ډول د فوټبال لوبي ژوندي ساتل وو.