په لندن کې د ۶ لوبډلو په ګډون د اسیا جام په نوم د کرکټ ۲۰ اوریزه سیالۍ پیل کیږي، چې پکې د نورو لوبدلو ترڅنګ افغانستان هم برخه لري.
په دغه ۲۰ اوریزه کرکټ سیالو کې د هندوستان، پاکستان، سریلنکا، بنګله دیش، افغانستان او د انګلستان لوبډله هم شامله ده.
د افغانستان په نوم د کرکټ لوبډلې لوبډلمشر محمد ولي همدرد وايي، د کرکټ دا ۲۰ اوریزه سیالۍ هر کال د یو ځایي ایسیکس کلب لخوا ترسره کیږي، چې پکې په لندن کې د میشتو افغان ماجرینو د کرکټ لوبډله د افغانستان په نوم ګډون کوي.
همدر وايي، د دغه سیالیو د ترسره کیدو څخه په لندن کې د افغانستان سفارت هم خبر دی او د سیالیو د ترسره کیدو په وخت کې د دغه سفارت غړي هم ګډون کوي.
د معلوماتو له مخې د کرکټ دغه ۲۰ اوریزه سیالیو ۴ م پړاو سبا په لندن کې پیل کیږي، چې پکې افغانستان په خپلې لمړۍ سیالۍ کې د سریلنکا، دویمه سیالۍ کې د پاکستان، دریم سیالۍ کې د هندوستان، څلورمه سیالۍ کې د انګلستان او په وروستۍ پنځمه سیالۍ کې د بنګله دیش سره مخامخ کیږي.
ویل کیږي، په دغه سیالیو کې افغان لوبډلې دوه ځلې پای لوبې ته لار پیدا کړې وه، خو پای لوبې کې له ماتو سره مخ شوې ده.
د اسیا جام په نوم د کرکټ دغه ۲۰ اوریزه سیالۍ جې سبا د سې شنبې په ورځ د مۍ میاشتې په ۸ مه نیټه پیل کیږي، د راتلونکې جون میاشتې تر ۲۶ مې نیټې پورې به دوام وکړي.