سمیع الله درانی
مارکیز دریم هسپانوی دی، چې د موټو جي پي په نوم د موټرسایکل ځغلولو سیالیو اتلولي ګټي.
نوموړي د موټر سایکل ځغلولو سیالیو له پخواني نړیوال اتل مایک ډوهان سره ځان مساوي کړ.
رسنۍ وایي مارکیز لومړیو کې د موټرسایکل د ټایرونو یا اربو له ښوېدلو وزورېده، خو ډېر ژر یې توازن برابر کړ او دوه ځلې یې غبرګه رېنګ دایره طی یا ووهله.
ده دا ریکارډ د یکشنبې په ورځ په جاپان کې جوړ کړ او د لسګونه موټرسایکل ځغلوونکو په منځ کې یې اتلولي واخېسته.
د مارکیز دې بریا د هغوی لوبډلې او رهبرۍ غړو ته ځواک ورکړ او دا اتلولي یې خورا رغوونکې بللې ده.
دا لومړی ځل نه دی، چې مارکیز د دې سیالیو اتل کېږي، بلکې د نړۍ په کچه دا د هغه شپږم ځل دی چې اتلولي اخلي.
سږ کال دی د ټولې نړۍ په کچه د موټر سایکل ځغلوونکو اتل پاتې شو.
لومړیو کې کواټارارو هغه په خپل چټک رېس سره وګواښه؛ خو ډېر ژر مارکیز هغه په ځغلولو کې رالاندې کړ او یو اېنچ یې هم هغه پرېنښود، چې مخکې شي.
هسپانوي مارکیز په پایلوبه کې ۲۵ نومرې واخېستې، د اتلولۍ ترڅنګ یې د نوملړ لومړی مقام هم قایم کړ.
له ده سره په پایلوبه کې کواټارارو ۲۰ نومرې واخېستې د جدول دوهم ځای یې ونیو، دریم مقام بیا ډېویزیوسو واخېست، څلورم مقام د وېنېلس شو او پنځم مقام کرچلو ترلاسه کړ.
