د هندوستان او ویسټ انډیز کرکیټ ملي لوبډلو ترمنځ د درو یو ورځنیو لوبو د لړۍ څخه ئې دوهمه یو ورځنۍ لوبه نن چهارشنبه ترسره کیږي.
ټاکل سوې دا لوبه نن غارمه یوه بجه پيل سي.
دا دوه هیوادونه بیا د لړۍ درېیمه لوبه راتلونکې یکشنبه ترسره کوي.
هند او ویسټ انډیز کرکیټ ملي لوبډلو ترمنځ د یادي لړۍ په لومړۍ لوبه کي ویسټ انډیز په ۸ ویکیټو هندوستان ته سخته ماته ورکړه.
په یاده لوبه کي لومړی هند توپوهنه وکړه، هند په ټاکلو ۵۰ آورونو کي د ۸ لوبغاړو په سوځېدو سره ویسټ انډیز ته د ۲۸۹ منډو هدف وټاکه.
کله چي د ویسټ انډیز لوبغاړي د توپوهني لپاره میدان ته کښته سول د هند له لوري ورکړل سوی هدف ئې د لوبي په ۴۷،۵ آورونو کي د ۲ لوبغاړو په سوځېدو سره پوره کړ او په دې سره ئې په لومړۍ یو ورځنۍ لوبه کي هند ته ماته ورکړه.
هند او ویسټ انډیز تر دې مخکي د درو شل آوریزه سیالیو لړۍ هم ترسره کړه، چي هغه لړۍ هند ۲ پر ۱ د ویسټ انډيز څخه وګټله.