د افغانستان د ۱۹ کلني کرکیت ملي لوبډلي لوبډلمشر فرهان زاخېل له پاکستان څخه تر ماتي وروسته خبري کنفرانس کي وویل، چي زموږ لوبغاړو سمه لوبه ونکړه، خو پاکستان ښه لوبه وکړه او بریا ئې خپله کړه.
هغه وویل((موږ د پاکستان لوبغاړو نه یو سوځلي، بلکي د خپلو غلطیو څخه وسوځېدو او موږ ته چي څنګه کرکیټ په کار وو هغسي مو ونکړ)).
هغه د دې ترڅنګ د یاد نړیوال جام څخه د زده کړي په اړه وویل((د هر لوبغاړي دا ارمان وي، چي په ۱۹ کلنو کي ولوبیږي، ځکه چي دا د هغه لوبغاړي لپاره د کرکیټ بنیاد جوړوي)).
د ۱۹ کلنو ترمنځ د کرکیټ نړیوال جام وروستۍ کواټر پاینل لوبه پرون جمعه افغان ۱۹ کلني کرکیټ ملي لوبډلي د پاکستان ۱۹ کلني کرکیټ ملي لوبډلي په وړاندي ترسره کړه، چي افغانستان په ۶ ویکیټو د پاکستان څخه ماته وخوړه.
په دې ماتي سره پاکستان نیمه پایلوبي ته لاره پیداکړه، خو افغانستان بیا د نړیوال جام د مخکي تګ څخه پاته سو او وئې نسو کړای، چي نیمه پایلوبي ته ووځي.
د ۱۹ کلنو ترمنځ د کرکیټ نړیوال جام نیمه پایلوبي ته هند، نیوزیلینډ، بنګله دېش او پاکستان ۱۹ کلنو ملي لوبډلو لاره پیداکړه.
دا نړیوال جام د جنوري میاشتي په ۱۷مه نېټه د ۱۶ هیوادونو ترمنځ پيل سوی او د فیبروري میاشتي په ۹همه نېټه پای ته رسیږي