ليکنه: مدثر دعوت
افغان مسلکي سوکوهونکی سهيل احمد مغلزی کابل ته راځي.
د سوکوهني د فدراسيون د رئيس عبدالله شکيب ستاري په بلنه به سهيل احمد مغلزی د راتلونکي چهارشنبې په ورځ کابل ته راسي.
مغلزي پدې وروستيو کي خپلو تانرنيايي او انګلينډي سيالانو ته په انګلستان کي ماته ورکړه او نړيوالو لوبو ته يې لار پيدا کړه.
د افغانستان د سوک وهني د فدراسيون رئيس عبدالله شکيب ستاري په يو ويډيويي پيغام کي د مغلزي لاسته راوړني ستايلي او نوموړي د افغانستان اتل او د افغانستان نوم روښانوونکی ياد کړی.
شکيب ويلي موږ په تمامه مانا هڅه کوو تر څو د مغلزي لاسته راوړني وستايو نو په همدې موخه مو کابل ته رادعوت کړی تر څو لاښه تشويق سي،او د هر راز ملاتړ او مرستو ډاډ يې ورکړی.
د سوکوهني لوبغاړي سهيل احمد هم په يو ويډيويي پيغام کي له افغان ولس او د سوکوهني د فدراسيون څخه مننه کړې.
نوموړی وايي افغانانو تل هڅولی او تشويق کړی يم،خوښ يم چي خپل د بريا جشن ستاسو سره يوځای لمانځم.
سهيل احمد وايي د راتلونکي لوبي لپاره به هم په کابل او هم لندن کي سخت تمرينات وکړي.
مغلزی په راتلونکو نيږدې وختونو کي د خپل انګليس سيال سره نړيواله لوبه کوي.