د شاهرخ خان شتون او د کلکتې بريا

سپتمبر 30, 2020 مدثر دعوت کرکټ, لوبې څرگندونې بندې دي
یو بیلبورډ چې پرې لیکل شوی اعلان نه لوستل کیږي. عکس له لاندې اخیستل شوی او شا او خوا یې وریځې او اسمان ښکاري

خبريال: مدثر دعوت
د هندوستان پرېمر لېګ ۱۲مه لوبه کې کلکتې نايټ رايډرز د ۳۷ منډو په توپير راجستان رويالز ته ماته ورکړه.
د ددې په زړه پورې لوبې کتلو لپاره د کلکتې لوبډلې مالک شاهرخ خان هم راغلی وو،چې مېرمن او زوی يې هم ورسره وه.


د راجستان رويالز لوبډلې هم پر خپلې ټويټر پاڼې د شاهرخ خان راتګ يوه خوشحالي بللې.


په هر صورت،د لوبې پچه راجستان وګټله او کلکتې ته يې د توپوهنې بلنه ورکړه.
کلکتې په پوره ۲۰ اوورونو کې د ۶ لوبغاړو په سوځېدو ۱۷۵ منډې هدف وټاکی.

شبمان ګېل ۴۷، ايون مورګن ۳۴ او انډري رسل ۲۴ منډې وکړې.
د راجستان لپاره راجپوټ،انادکت،ټام کرن او ټيواټيا يوه يوه ويکټه،همدارنګه جوفرا ارچر دوې ويکټې ترلاسه کړې.

د ۱۷۵ منډو هدف د پوره کولو لپاره د راجستان د توپوهونکو پيل او منځ خوندور نه وو.
تر ټولو ډېرې منډې ورته ټام کرن ۵۴،بټلر ۲۱ او ټيواټيا ۱۴ وکړې.

د کلکتې لپاره ماوي،ناګارکوتي، او ورن دوې ويکټې واخيستې،همدارنګه نارين، کمينز او ياداو يوه يوه ويکټه واخيسته.
بلاخره کلکتې د ۳۷ منډو په توپير راجستان ته ماته ورکړه.
د لوبې د غوره لوبغاړې جائزه شيوام ماوي ته ورکړل سوه.

کلکتې په ۳ لوبو کې ۲ ګټلي او د جدول په دويم ځای کې قرار لري، همدارنګه راجستان هم په ۳ لوبو کې ۲ ګټلي او د جدول په دريم ځای کې قرار لري.

نن ماښام ۰۶:۳۰ بجې د پنجاب او ممبی لوبه ده.