د هندوستان لوبډلې تکړه پیلیز لوبغاړي روهیټ شرما په شل اوریزه نړیوالو لوبو کې یو بل ریکارډ په خپل نوم کړ.
شرما په نړیوالو شل اوریزو لوبو کې د زیاتو منډو جوړولو د توپ وهوونکو د نوملړ په سر کې راغی.
دغه هندوستاني توپ وهونکي وکولی شول چې د نیوزلینډ چټک او تیز توپ وهوونکی مارټین ګوپټيل تر شاه پرېږدي.
روهیټ شرما دغه کارنامه تېره ورځ د نیوزلینډ د کرکټ لوبډلې سره د شل اوریزه سیالۍ پر مهال وکړه، دغه سیالۍ د هندوستان او نیوزلینډ د شل اوریزه سیالیو د سریز دوهمه سیالي وه.
په دغه لوبه کې روهیټ شرما پنځوسیزه ووهله او د همدې ۵۰ منډو په جوړولو سره یې د ډېرو منډو جوړولو په نوملړ کې د مارټین ګوپټیل ځای ونیوه.
روهیټ شرما اوس ۲۲۸۸ منډې لري او په اول مقام کې دی په داسې حال کې بې رحمه توپ وهونکي مارټین ګوپټیل د ۲۲۷۲ منډو په لرو سره دوهم لري.
دغه راز هندوستاني پيلیز لوبغاړي شرما په ټي ټونټي کرکټ کې خپل د شپږیزو سلیزه هم پوره کړه او دا د هندوستان کرکټ لوبډلې لومړی لوبغاړو شو چې په شل اوریزه سیالیو کې خپلې شپږیزې تر ۱۰۰ اړوي.
روهیټ شرما د سریز په دوهمه لوبه کې ۲۹ توپونو باندې ۵۰ منډې جوړې کړي چې په کې ۳ څلوریزې او ۴ شپږیزې شاملې وې.
اوس په دغه فارمټ کې نوموړی لوبغاړی ۱۰۲ شپږیزې لري او د هندوستاني لوبغاړو تر منځ د نوملړ په سر کې دی.