د کرکټ نړیوالې شورا ( ICC) د هندوستاني لوبغاړي امباتي رائيډو پر شکمنې توپ اچوونې بندیز ولګوو.
نوموړي ته د کرکټ نړیوالې شورا وخت ورکړی تر څو خپل د بالینک اکشن ازموینه ورکړي خو رائيډو تر اوسه دغه ازموینه ورنکړه.
اوس آی سي سي نوموړي ته ویلي چې نشي کولی په راتلونکو لوبو کې تر هغې چې د خپلې توپ اچوونې سټایل یا اکشن یې نه وي صفا کړی، توپ اچوونه وکړي.
په ۱۳ د جنوري د اسټرلیا او هندوستان تر منځ په سډني کې تر سره کېدونکي یوه ورځنۍ سیالۍ د امباتي رائیډو توپ اچوونې اکشن شکمن شو.
نوموړي په دغه لوبه کې یوازې دوه اورونه وکړل او ۱۳ منډې یې ورکړې خو کومه ویکټ یې وانخیسته.
د کرکټ د نړیوالې شورا د خبر له مخې تر هغې امباتي رائیډو ته په نړیوالو لوبو کې د توپ اچوونې اجازه نه ورکول کیږي چې د خپل توپ اچوونې د اکشن یا سټایل ازموینه یې نه وي ورکړي او خپل اکشن یې نه وي صفا کړی.
دغه هندوستاني لوبغاړي ته په نړیواله سطحه د توپ اچوونې اجازه نشته خو کولی شي په هندوستان کې په کورنیو سیالیو بالینګ وکړي.
امباتي رائيډو په لوبډله کې د یوه توپ وهونکي لوبغاړي ذمه واري پر خپله غاړه لري نو په دې اساس پر نوموړي د توپ اچوونې بندیز به پر ده زیات منفي تاثیر ونه کړي.
رائيډو د هندوستانۍ د کرکټ ملي لوبډلې توپ وهوونکی دی چې تر اوسه په ۴۵ یو ورځینو سیالیو کې د خپلې لوبډلې نمائنده ګي کړې ده، نوموړی تر اوسه ۳۳ کاله عمر لري.