دا سپين ږيری فضل حسن قادري نوميدی، چي د هندوستان د اُتار پرديش ايالت د بلند شير په ولسوالۍ کي اوسيدی.
دده شاته چي کومه ودانۍ ده، دې سپين ږيري د خپلي دويمي ميرمني لپاره په ۲۰۱۲ز کال کي په مرمرو د کوچني تاج محل په جوړولو پيل وکړ. د سپين ږيري تاج محل لا يوڅه کار پاته وو چي پيسې يې کمي سولې.
ددې تاج محل خبر تر لومړي وزير پوري ورسيد، وزير قادري راوغوښت او وړانديز يې ورته وکړ چي دا ودانۍ به حکومت ورته په مرمرو ودانه کړي.
خو قادري يې وړانديز رد کړ، هغه لومړي وزير ته وويل چي دا خو ما اوس جوړ کړی نور کفايت کوي، ته ددې پرځای زموږ په کلي کي د انجونو کالج راته جوړ که.
اوس د کالج پر جوړيدو کار روان دی، چي يو اندازه ځمکه خپله قادري ورکړې.
د سپين ږيري خپلوان وايي: فضل حسن قادري ددې ودانۍ لپاره مرمر د جيپور څخه راوړل او تر دوه ميليونو پوري روپۍ يې ورباندي مصرف کړلې، خو وخت ورسره ناځواني وکړل.
دده خپلوان اوس غواړي چي دده د ميرمني په مرسته دا تاج محل داسي جوړ کړي،لکه د مغولو امپراتور شاجهان چي خپلي ملکې ممتاز بيګم ته جوړ کړ.
قادري د تاجا مولي سره په ۱۹۵۳ز کال کي واده وکړ،خو قادري ورته د ژوند په وروستيو کي د ميني يادګار پريښود.
فضل حسن قادري د تيري جمعې په ورځ د اورسوځيدني په پيښه کي د ژورو ټپونو له امله د ۸۳ کلونو په عمر روغتون کي ساه ورکړل، خو تاجامولي ددې د ميني په تاج محل کي دده په يادونو کي ژوند تيروي.