د ریسلینګ تکړه ښکلې او تکړه لوبغاړي نیکي بیلا له ریسلینګ لوبو استعفاء ورکړه. هغې ویلي؛ نور یې عمر د دې اجازه نه ورکوي چې د ریسلینګ په برخه کې دې خپلو لوبو ته دوام ورکړي.
په کلیفورنیا کې پيدا شوې ۳۵ کلنه نکي بیلا په خپل ټلویزیوني پروګرام ټوټال بیلاز کې د له یادې لوبې خپل ریټارمنټ خبره یاده کړه او ویې ویل چې وخت یې دی چې نور له ریسلینګ نه لاس په سر شي.
نکي بیلا دا نه ده روښانه چې د ریسلینګ له پرېښودو وروسته به د خپل ژوند کوم نوی پړاو پیلوي، خو د رپوټونو له مخې دغه ستورې به د میک اپ په برخه کې پر خپل کاروبار توجو وکړي.
نکی بیلا په ۲۰۰۷ کال کې په ریسلینګ کې خپله لومړۍ لوبه ترسره کړه او د ښځينه وو د سیالیو دوه ځلې اتله هم پاتې شوې.
باید یاده شي چې نکي د ریسلینګ پيل له خپلې خور بري بیلا سره یوځای کړی و او دواړو د یوه رنګ او تقریبا ورته شکل له امله مشهوري وې چې دوی په بیلا ټوائنیز هم شهرت لري.