د فیسبوک مالک مارک زکربرګ داسې پرېکړه کړې ده چې انسټاګرام، وټس اپ او مسینجر درې واړه په یو بل کې مدغم کړي.
د انګلیستان د یوې مجلې د خبر له مخې، مارک زکر برګ داسې پرېکړه کړې چې د فیسبوک مسینجر یا پیغام استوونکی، وټس اپ او انسټاګرام د پيغام استولو په شریکولو یا یو بل سره یوځای کولو باندې باندې کار وکړي.
د رپوټونو له مخې دا کار ژر کېدونکی نه دی او داسې اټکل دی چې تر یوه کال یعنې تر ۲۰۲۰ کاله پورې پوره شي.
د پيغامونو، فایلونو، ویډیو ګانو او انځورونو د لیږل کېدو او رالېږل کېدو لپاره استعمالېدونکي دغه درې واړه اپلیکشنونه د یوه بل سره تړل کېږي چې له امله به یې د فیسبوک د مسینجر استعمالونکي نه یوازې د وټس اپ او انسټاګرام استعمالوونکو سره مسیجونه وکولی شي بلکې وبه کولی شي چې فایلونه هم یو بل سره شریک کړي.
د فیسبوک مالک مارک زکربرګ ویلي، چې اوس مهال دغه درې واړو اپلیکشنونو مرکز سره شریک نه دي او استعمالوونکي یې د یوه پیغام استوونکي یا یو ډول څخه بل ډول پیغام استوونکي ته مسیج نشي کولی.
په خبره یې د ۲۰۱۹ کال تر وروستیو او یا هم تر ۲۰۲۰ کاله پورې به دا ممکن شي چې فیسبوک څخه وټس اپ او وټس اپ څخه انسټاګرام ته پیغامونه واستول شي.
د یادولو ده چې چې د وټس اپ، انسټاګرام او مسینجر څخه فیسبوک ته مواد یا ډیټا شریک کېدلی شي خو تر اوسه د دغه واړو ډولونو څخه یو بل ته مستقیما پیغام نه شي استول کېدلی.