فضل الله فضلي
د پاکستان پخواني د کورنیو چارو وزیر خواجه آصف په ټویټر کي یو ټویټ کړی او دا ټویټ د سیمي او په خاص ډول د افغانانو غبرګونونه راپارولي دي.
وړمه ورځ خواجه آصف په ټویټر کي د امریکا د بهرنیو چارو د وزیر مایک پمپیو او په قطر کي د طالبانو د مرستیال ملابرادر د عکس په پورته کولو سره لیکلي وه:
(زور ستاسي سره دئ او الله زموږ سره دئ، الله اکبر)
طاقتیں تمھاری ھیں اور خدا ھمارا ھے.. اللہ اکبر pic.twitter.com/EhO1sZ3bWx
— Khawaja M. Asif (@KhawajaMAsif) September 13, 2020
د نوموړي دا ټویټ د زیات شمېر افغانانو او په خاص ډول د افغان لوړ پوړو چارواکو د غبرګون سره مخ سوي او ددې ټویټ په جواب کي د افغان ولسمشر لوی سلاکار وحید عمر ورته لیکلي:
۱- کله چي تاسو د دفاع وزیر واست، همدغه ملا برادر ستاسي تر شکنجو لاندي او محبس کي بندي وو.
۲- تاسو وزیر واست، پر یو مکتب د طالبانو په یو برید کي ۱۴۹ ماشومان ووژل سول، نو خدای د دوی سره نه وو؟
۳- آیا تاسو چي وزیر واست، هم مو د الله اکبر نارې وهلې؟
1) The same guy you think has Khoda with him was being tortured in a Pakistani jail when you were Minister of Defence. No? 2) When you were Minister, TTP massacred 140 kids in Army Public School. Was Khoda with them too? Did you chant Allah o Akbar from behind your MoD desk? https://t.co/ITdXGwCdl0
— Waheed Omer (@Waheed_Omer) September 14, 2020
له ښاغلي عمر وروسته د پښتون ژغورني غورځنګ مشر منظور پښتین د پاکستان سره د امریکا د مېلیونو ډالرو مرستو ته په اشاره خواجه آصف ته لیکلي:
پاکستان ریاست چي تر اوسه مېلیونونه ډالره اخیستل، هغه د چا وه؟
اور ریاست نے اج تک جو اربو ڈالر لئے ہیں وہ کس کے تھے؟؟؟ https://t.co/sNu4PK995e
— Manzoor Pashteen (@ManzoorPashteen) September 13, 2020
ددې غورځنګ یو بلي مخکښي څهرې او د پاکستان د پارلمان غړي محسن داوړ خواجه آصف ته داسي لیکلي:
خدای نه ظلم کوي او نه د ظالمانو سره دئ، الله د یوې ذرې په اندازه هم ظلم نه کوي.
خدا نہ ظلم کرتا ہے نہ ظالموں کے ساتھ ہے
إِنَّ اللَّهَ لَا يَظْلِمُ مِثْقَالَ ذَرَّةٍ
اللہ ذرہ برابر بھی ظلم نہیں کرتا https://t.co/ibsHvhABBe— Mohsin Dawar (@mjdawar) September 13, 2020
د افغان حکومت د ملي امنیت پخواني مشر رحمت الله نبیل هم د ټویټ په جواب کي ورته لیکلي دي:
آصف جی! خدای ستاسي په اجاره کي نه دئ، بلکه وژني، وحشت او غارت تاسو ته درپاته دي.
خوجه جى: خدا آپ کی اجارہ داری میں نہیں ہے ، لیکن بلا شبہ دہشت گردی اور قتل و غارت آپ کی اجارہ داری میں ہیں!
God is not in your monopoly, but without doubt terrorism and killing are in your monopoly! https://t.co/QqXmUP9bGk— Rahmatullah Nabil (@RahmatullahN) September 13, 2020
پدې وروستیو کي ځنو پاکستاني پخواني او اوسنیو چارواکو د طالبانو په ملاتړ ټویټونه کړي دي.
پاکستان رسماً د خواجه آصف د ټویټ په اړه څه نه دي ویلي.
لدې مخکي څه موده وړاندي د پاکستان د پخواني لومړي وزیر پرویز مشرف یو ویډیو راوتلې او مشرف پکښي وايي چي دوی طالبانو ته وسلې ورکولې او افغانستان ته یې د جنګ لپاره لېږل.
اوس مهال د افغان حکومت او طالب ډلي ترمنځ د بین الافغاني مذاکراتو شپې و ورځي تېریږي او د دې تازه مذاکراتو د پیل څخه افغان ولس هیله لري، چي د اوربند په پیل سره به دا مذاکرات دوام پیدا کړي او هیواد ته به یو تلپاتي سوله راسي.