د شل اوریزه بڼې د کرکټ لوبې پیاوړی لوبغاړی چپ لاسی توپوهونکی کریس ګېل په کورنیو لوبو کربین پریمر لیګ کې د شنت لوشیا زوک لوبډلې سره د لوبیدو تړون کړی.
تر دې مخکې ګېل د جامیکا تلاواس لوبډلې سره لوبېده. دا د ګېل لپاره څلورمه لوبډله ده، چې دی به يې برخه وګرځي. د دې کلب له خوا د دې خبر په خپرولو سره خوښي ښودل شوې، چې د سترو شپږیزو وهونکی پیاوړی لوبغاړی ګېل د دوی له لوبډلې سره لوبېږي. په خپله کرېس ګېل هم پر دې کار رضایت او خوښي ښودلې.