د هندوستان سوداګریزو لوبو په دوام لسمه لوبه د بنګلور او کلکته نایټ رایډرز ترمنځ ترسره شوه.
بنګلور په شل اورونو کې د ۴ لوبغاړو په سوځېدو سره د ګلېن مکسوېل د ۷۸ منډو او د اې بي ډیویلیرس د ۷۶ ناسوځېدلو منډو په مرسته ۲۰۴ منډې وکړې.
د کلکتې لوبډلې د ۸ وېکټو په نقصان سره د ۱۶۶ منډې وکړې او لوبه ترې رایل چلېنجرز بنګلور په ۳۸ منډو وګټله.
د لوبې غوره لوبغاړی اې بي ډیویلیرس وپېژندل شو، هغه په ۳۶ توپونو ۷۶ ناسوځېدلې منډې وکړې.
بنګلور د دې لوبې په بریا سره د جدول سر ته ولاړه او نومرې یې هم شپږو ته ورسېدې.
بنګلور او کلکتې لوبډلې په ۲۶ لوبو کې مخ شوي، چې ۱۴ یې کلکتې ګټلي دي.
دویمه لوبه
د یکشنبې ورځې دویمه لوبه د پنجاب او ډیلي ترمنځ ترسره شوه، ډیلي د ۴ لوبغاړو په سوځېدو سره د کی اېل راهول د ۶۱ منډو او د میانک اګروال د ۶۹ منډو په مرسته ۱۹۵ منډې وکړې.
د پنجاب لپاره توپ اچوونکي په دفاع کې ناکام شول، ټول بالران یې وټکېدل، محمد شمي په ۴ اورونو کې ۵۳ منډې ورکړې او د وېکټ په اخیستلو هم بریالی نشو.
جای ریچارډسن په ۴ اورونو کې ۴۱ منډې ورکړې او ریلي مېرېدیت بیا په ۲ اعشاریه ۲ اورونو کې ۳۵ منډې ورکړې.
د دې لوبډلې بالرانو درې نو بالونه او شپږ پراخ توپونه هم ترسره کړل.
د ډیلي لوبډلې په ۱۸ اعشاریه دوه اورونو کې د ۴ لوبغاړو په سوځېدو سره د شېکر دوان د ۹۲ منډو په مرسته هدف پوره کړ او پنجاب ته یې په ۶ وېکټو ماته ورکړه.
د لوبې غوره لوبغاړی شېکردوان وپېژندل شو، هغه په ۴۹ توپونو د ۱۳ څلوریزو او دوه شپږیزو په ملتیا ۹۲ منډې وکړې.
د پنجاب او ډیلي لوبډلې ۲۶ ځلې په ټول آی پي اېل سره مخ شوي، چې ۱۵ لوبې پنجاب او ۱۱ لوبې ډیلي ګټلي دي.
د دوشنبې په ورځ چینای سوپر کېنګز د راجستان پر وړاندې ۱۲ مه لوبه کې مخ ده.
