نن؛ د کرونا ویروس د جزیاتو لیست، چین کي بیا نوي پېښي ثبت سوي

خبریال: فضل الله فضلي
په ټوله نړۍ نن بیا تر ۲۴ زرو پوري د نویو پېښو د ثبت خبر ورکول سوئ او ۸۵۳ تنه وژل سوي دي.
نړیوال روغتیايي سازمانونه وايي، چي د چین په اوهان او هوبي ولایتونو کي نن ۳۹ نوي مثبتي پېښي ثبت سوي او ۹ تنه وژل سوي دي.
دا په داسي حال کي ثبتیږي، چي د چین حکومت د دې ویروس د کنټرول ادعاوي کړي وې او تېره جمعه او شنبه ورځو کي چین هیڅ مثبتي پېښي نه لرلې.
په چین کي ولایتونه لا هم تر قرنطین لاندي دي، ځکه خو په نورو ولایتونو کي دا ویروس رشد نه دئ کړئ.

بلخوا نن بیا د ګډوډ روغتیايي حالت له وجي له ایټالیا څخه نوي راپورونه نه دي ورکول سوي، تېره ورځ په دې هیواد کي تر ۶۰۰۰ ډېري نوي پېښي او ۶۵۱ تنه وژل سوي وه.
دا شمېره شاید نن لا ډېره سوې وي، ځکه هلته وضعیت کنټرول نه دئ او ایټالیا تر چین ډېر دوه چنده ۵۴۷۶ مړي ورکړي دي.
امریکا کي هم د تېري ورځي په څېر حالت خراب وو او تر ۸ زرو پوري نوي پېښي ثبت سوي، چي په دې هیواد کي د کرونا ټوله شمېره تر ۴۰ زرو واوښتل.
افغانستان کي په تېرو ۴۸ ساعتونو کي د ۱۶ نویو پېښو خبر ورکول سوي، چي په دې هیواد کي د کرونا شمېره ۴۰ ته رسېدلې ده.
په یادو ۴۰ تنو کي دوه تنه له دې ویروسه روغ سوي او یو تن په بلخ ولایت کي وژل سوئ دئ.

نور معلومات لاندي جدول کي وګورئ: