د وړوکوالي پر مهال چاغوالی یوه ستونزه بلل کیږي چې کولای شي ماشومان او نوي رېږېدلي ماشومان تر خپل اغېزې لاندې راوړي. چاغوالی هغه مهال رامنځته کېږي چې ماشوم د خپل وزن په پرتله ډېر وزن پیدا کړي.
ډېر ماشومان شته چې له کچې زیات چاغېږي، او دا ځینې لاملونه لري.
ـ ځکه چې د ورځې 5 تر 6 ځله قوي خواړه خوري چې دا خواړه د ماشوم د چاغېدلو سبب کېږي.
ـ خواږه او له اندازې زیات غوړ خواړه هم ماشومان چاغوي، او د عمر په زیاتېدو سره یاد ماشوم، د شکرې، وینې لوړ فشار او لوړ کلسټرول پیدا کوي.
ـ له کوره بهر او تیار خواړه مصرفول زیان لري، ځکه د دباندې خواړه نه یوازې زموږ وزن ډېروي بلکې زموږ صحت ته هم زیان رسوي.
ـ که هر ډول خواړه چې موږ ځانته چمتو کوو هغه ماشوم ته هم ورکړو نو دا کار د ماشوم د وزن د ډېرېدو سبب کیږي.
ـ خواړه باید په نوي بڼه چمتو شی او صحي وي ؛ځکه هر ډول خواړه ماشومان نشي خوړلی.
ـ ماشوم ته ۴۰ سلنه خواړه باید سابه وي، ځکه ګټي یې دېرې دي.
ـ ماشوم ته مېوه ورکول ګټه لري. په ورځ کې دوه ځلي باید مېوه ورکول شي، هم وزن کنټرولیږي هم صحي وي.
ـ د ماشوم وزن د دې لپاره باید کنټرول کړو ځکه چې ورځ تر بلې لویېږي، همدومره زیان ورته پیدا کیږي.
ـ د ماشوم لپاره هم ځانګړي سپورټ شتون لري چې باید په مهالوېش کې یې شامل کړو.
ـ ماشوم ته باید فایبر لرونکې خواړه ورکړو، او که امکان یې و د داکټر څخه مرسته وغواړو.
ـ کله چې ماشوم ته خواړه ورکوو باید وړې وړې ګولې ورکړو.
د دې سره سره چې د ماشوم په چاغوالي کې ځینې جینتیکي لاملونه هم اغېز لرلای شي خو زیاتره د ماشوم وزن د ډېر خوراک او د نه خوځښت له امله ډېریږي.
د دې ستونزې څخه د مخنیوی لپاره ښه لاره د ماشوم ډېر فعالیت او دخوړنیز رژیم کنټرول دی، او دا کار له تاسو سره مرسته کوي چې د ماشوم روغتیا مو په راتلونکې کې ساتلې وي.
