حماس او اسراییلو پرون شنبې اعلان وکړ چې په غزه کې د اوربند د بل پړاو لپاره چمتووالی نیسي.
د رویټرز خبري اژانس د راپور پر بنسټ حماس وسله والې ډلې ویلي، د اوربند د دوهم پړاو د پیل لپاره مثبتې نښې شتون لري خو په دې اړه نور جزییات ورکړل شوي نه دي.
د اسراییلو د صدراعظم بنیامین نتنیاهو دفتر ویلي، اسراییلو د امریکا له ملاتړه د برخمنو منځګړو بلنه منلې او د دوشنبې په ورځ به د خبرو اترو د پرمختګ لپاره یو پلاوی دوحې ته واستوي.
په ورته وخت کې د حماس یو پلاوی په قاهره کې له مصري منځګړو سره د اوربند د امکان په اړه خبرې کوي.
مصري منځګړي د قطري چارواکو په همکارۍ د دې مذاکراتو د اسانتیا لپاره هڅه کوي او غواړي چې د غزې د اوربند د تړون دوهم پړاو عملي شي.
د اوربند لومړی پړاو چې د برمته وو راخوشي کیدل په شامل وو، تېره اوونۍ پای ته ورسېد.
