خبريال: مدثر دعوت
د عربي اماراتو په دوبۍ ښار کې د کلکتې نايټ رايډرز لوبډلې لپاره ځانګړي ښه راغلاست مراسم ترسره سوه.
د ای پي ايل سياليو په دوام نن ماښام شپږ نيمي بجې کلکته نائټ رايډرز او ممبی انډيانز لوبډلې سره مخ کېږې.
تاسو ته مالومه ده چې روان ای پي ايل ليګ په عربي اماراتو کې ترسره کېږي چې تر اوسه يې څلور لوبې ترسره سوي.
نن ماښام د کلکتې لومړنۍ لوبه ده ،نو په همدې خاطر د دوبۍ د خليفه برج تېره شپه د کلکتې په نښان او سکواډ روښانه سوی وو،او د ښه بخت هيله يې ورته درلودلې وه.
نرحب في #برج_خليفة بفريق كولكاتا نايت رايدرز للكريكيت! متمنين لهم كل التوفيق في الدوري الهندي الممتاز لهذا العام!#BurjKhalifa
welcomes @KKRiders. We wish them good luck for this year's @IPL pic.twitter.com/Ha2nCqdrIG— Burj Khalifa (@BurjKhalifa) September 22, 2020
د خليفه برج په تاريخ کې تر اوسه د هيڅ لوبډلې ملاتړ لپاره داسې څه نه وو ترسره سوي، او کلکته لومړنۍ ورزشي لوبډله ده چې ددې ټاور په رڼاګانو کې تشريح کېږي.
دا برج د نړۍ تر ټولو ستره ودانۍ ده او اکثريت وختونه د خپلواکۍ د ورځو په وياړ د ځينو هيوادونو بیرغونه ورته ښودل کېږی او مبارکۍ ورکول کېږي.
د هند لپاره تر اوسه ددې هيواد د خپلواکۍ همدارنګه د مهاتما ګاندي او شاهرخ خان د کليزو په وياړ مبارکۍ او رڼاګاني خپرې سويدي.
د کلکتې مينوال دا ددې لوبډلې لپاره ستر وياړ بولي او د باليووډ د باچا څخه يې مننه کړې چې تل يې د خپل هيواد نوم لوړ ساتلی.
د کلکتې لوبډلې مسولينو هم د خلیفه برج او ددوبۍ د حکومت څخه مننه کړې چې ددوی ملاتړ کوي.
شكران 🙌🏽
Before the fireworks tomorrow, here's the curtain raiser! We won't stop, on our way to the 🔝
Thank you @BurjKhalifa for lighting up in #KKR colours.
What a welcome to the UAE tonight! 💜#KKRHaiTaiyaar #IPL2020 #Dream11IPL #BurjKhalifa pic.twitter.com/LgUe9hNdW1
— KolkataKnightRiders (@KKRiders) September 22, 2020
دا لوبډله پر ټولنيزو رسنيو د ۲۲ ميليونه مينوالو په درلودلو سره تر ټولو مخکې ده.