د هندۍ سینما تر ټولو کامیابترین او مشهور فلمي ستوری وایي، دا چې د امیتابهـ بچن سره په یوه فلم کې یې کار وکړ خوشحاله دی.
دی وایي تر اوسه یې هم باور نه کیږي چې دی د خپلو خوبونو رښتیني تعبیر ته رسیدلی وي.
عامر خان دغه خبرې وروسته له هغې کړي چې یې د هغه راتلوونکي فلم لومړی پوسټر خپور شو چې په پکې یې د امیتابهـ بچن سره یوځای کار کړی.
دغه فلم یو تاریخي فلم دی او نوم یې (ټهګس اف هندوستان) دی.
عامر خان د هندۍ سینما مشهور فلمي ستوری دی چې زیاتره فلمونو یې په سینما کې هټ کیږي او زیات مینوال لري.
خو تازه یې د نوي فلم (ټهګس اف هندوستان) لومړی پوسټر خپور شوی، دغه فلم د یش راج له لوري د هندوستان په تاریخ جوړیدونکی فلم دی.
هندۍ رسنۍ وایي، دغه تاریخي فلم د یوې لویې بودیجې په مصرفولو جوړیږي، چې لومړی پوسټر یې اوس په ټوئټر خپور شوی.
د ټهګس اف هندوستان په فلم کې مرکزي رول عامر خان لري او ورسره په فلم کې امیتابهـ بچن، کټرینه کیف او فاطمه ثنا شیخ کار کړی.
په دغه خپور شوی پوسټر کې عامر خان په یوه ځانګړي سټایل، په مسکا کې ښکاري چې توره ورسره لاس کې ده، ورسره څنګ کې امیتابهـ بچن ښکاري چې په دښمن د حملي کولو لپاره تیاری لري، د پوسټر په یوه برخه کې کټرینه کیف په خارجي لباس کې ښکاري او په بل خوا د پوسټر کې فاطمه شیخ د غشي لیندۍ په لاس د برید چمتوالی لري.
په ټوئټر د دغه پوسټر له خپرېدو وروسته عامر خان په خپل ټوئټر پاڼه لیکلي، دا چې امیتابهـ بچن سره خپل ځان یوځای ګوري نو خپل د کلونو خوبونه یې رښتیا کیږي خو لا تر اوسه هم باور نشي کولی.
د یادولو ده چې فلم (ټهګس اف هندوستان) یو تاریخي فلم دی چې کیسه یې د میډوز ټیلیر په (کنفیشن اف ټهګ) ناول جوړه شوې چې په ۱۸۳۹ کال کې خپور شوی وو.
په دغه کیسه کې د عامر خان د (امیرعلي) امیتابهـ بچن د (خدا بخش) کټرینه کیف د (ثریا) او فاطمه ثنا شیخ د (ظفیرا) رول لوبولی.
اټکل دی چې دغه فلم به د نومبر میاشتې په اتمه نېټه خپور شي.