لیکنه: محمدصابر حمیدي
د ویسټ انډیز هېواد د کرکټ ملي لوبډلې نامتو او تکړه پخواني لوبغاړي ډین براوو په شل اوریزه سیالیو کې ۵۰۰ ویکټې پوره کړې او په دې سره لومړنی لوبغاړی شو، چې شل اوریزه فارمټ کې ۵۰۰ وېکټې اخلي.
د کرکټ اډیکټور وېبپاڼې د راپور په بنسټ ویسټ انډیزي الراونډر ډين براوو د شل اوریزه سیایلو په تاریخ کې لومړنی لوبغاړی شو، چې ۵۰۰ وېکټې بشپړوي.
هغه دا ویاړ د ویسټ انډیز هېواد په روانو کورنیو تجارتي سیالیو کې خپل کړ.
د براوو شل اوریزه سیالۍ
۳۶ کلن براوو په ۲۰۰۶م کې لومړۍ شل اوریزه سیالي ترسره کړه، چې له هغه را وروسته یې تر دې دمه ۴۵۹ لوبې ترسره کړې دي.
هغه په یادو ۴۵۹ شل اوریزه سیالیو کې ۵۰۰ وېکټې بشپړې کړې.
دې لوبغاړي دا شل اوریزه سیالۍ د خپل هېواد (ویسټ اندیز) ترڅنګ د ګڼو هېوادونو په لیګونو هم ترسره کړې دي.
په شل اوریزه سیالیو کې زیاتې ویکټې اخیستونکي لوبغاړي
۱ـ ډین براوو ۴۵۹ سیالۍ ۵۰۰ ویکټې
۲ـ لسیت ملینګا ۲۹۵ سیالۍ ۳۹۰ ویکټې
۳ـ سونیل ناراین ۳۳۹ سیالۍ ۳۸۳ ویکټې
۴ـ عمران طاهر ۲۹۵ سیالۍ ۳۷۴ ویکټې
۵ـ سهیل تنویر ۳۳۹ سیالۍ ۳۵۶ ویکټې
۶ـ شکیبالحسن ۳۰۸ سیالۍ ۳۵۴ ویکټې
۷ـ شاهد افریدی ۳۱۷ سیالۍ ۳۳۹ ویکټې
۸ـ راشدخان ۲۱۵ سیالۍ ۳۰۱ ویکټې
۹ـ وهاب ریاض ۲۵۲ سیالۍ ۲۹۶ ویکټې
۱۰ـ آنډری رسل ۳۲۵ سیالۍ ۲۹۴ ویکټې
