د پاکستان د کرکټ ملې لوبډلې پخوانی تکړه او نامتو لوبغاړی، چې د پاکستان په سوپرلیګ کې د ملتان سلطانز لوبډلې سره لوبېدی، ددې لیګ په پاتې لوبو کې د خوږ له امله نشي لوبېدلای.
د پاکستان په سوپرلیګ کې د شاهد افریدي لوبډلې «ملتان سلطانز» پر خپلې رسمې ټویټرپاڼې ویلې، شاهد افریدي د ملا په برخه کې ټپي شوی، نو په همدې موخه به د لیګ په پاتې سیالیو کې ونه لوبیږي.
دې لوبډلې لیکلي:
«بدبختانه تاسو ته خبر درکوو، چې د ملا په برخه کي د ټپ له امله شاهد افریدي د پي ایس لیګ په پاتې لوبو کې نه لوبیږي. زموږ به ته ډېر ویادېږې او لالا موږ تل تاسو ته دُعا کوو، چې ډېر ژر د روغ صحت څښتن شې.»
We regret to inform you that due to a lower back injury, our superstar, icon, & an integral part of the franchise, @SAfridiOfficial will miss out on the remainder of @thePSLt20 6. The Sultans family will miss you and we are praying 🤲 for your speedy recovery!
#GetWellSoonLala pic.twitter.com/NoB5iIxH5B— Multan Sultans (@MultanSultans) May 24, 2021
د پاکستان سوپرلیګ
ټاکل شوې د پاکستان سوپرلیګ«PSL» شپږم پړاو، چې ۱۴ لوبې یې ترسره شوي او اوس یې ۲۰ لوبې پاتې دي، د راتلونکې جون میاشتې په پنځمه نېټه د متحده عربي اماراتو په ابوظبۍ ښار کې پیل شي.
دا لیګ د پاکستان په کراچي ښار کې روان و، چې د کورونا له امله وځنډول شو.
په دې لیګ کډونوالو لوبډلو ځانونه ته درې ورځې مخکې یو شمېر نور نوي لوبغاړي هم واخیستل.
د پاکستان په سوپرلیګ کې افغان لوبغاړي
ددې لیګ په پيل کې پنځه افغان لوبغاړي محمدنبي، راشدخان، قیساحمد، نوراحمد لکڼوال او مجیب ځدران شامل وه، خو د سیالیو تر ځنډېدو وروسته، د راپورونو په اساس یو شمېر لوبغاړو پکې د بېلابیلو دلیلونو له امله د نه لوبېدو پرېکړه کړې وه.
د هغو له ډلې یو هم محمدنبي، مجیب ځدران او راشدخان ارمان وه، چې پکې د نه لوبېدو پرېکړه یې وکړه، خو درې ورځې مخکې راشدخان ارمان یوځلې بیا لاهور قلندرز لوبډلې خپل ځان ته واخیست او پکې وبه لوبیږي.
اوس د پاکستان سوپرلیګ په پاتې لوبو کې به، راشدخان، نجیبالله ځدران، نوراحمدلکڼوال، وقار سلامخېل، رحمنالله ګربز او ظاهرخان ولوبیږي.
کراچي کینګز لوبډله کې: نجیبالله ځدران او نوراحمدلکڼوال.
پېښور زلمي لوبډله کې: وقار سلامخېل.
ملتان سلطانز لوبډله کې: رحمنالله ګربز.
لاهور قلندرز لوبډله کې: راشدخان ارمان.
کویټه ګلډیټرز لوبډله کې: ظاهرخان پکتین.
