ژباړه: نوید صهیب
هېڅ یو ازاروونکی احساس او څیز د دې لپاره نه دی راغلی چې د تل لپاره پاتې شي، تیرېدونکی خفګان، د زړه پټ دردونه، وېره او کمزوري؛ د دې ټولو یوازینۍ دنده ستا جوړول دي. د یوې ښې او ښایسته راتلونکې لپاره قوت دربښي او داسې دې ورته تیاروي چې ترڅو یو نه ماتېدونکی ښایسته انسان درنه جوړ کړي!.
ښایسته رزق یوازې مالي رزق نه دی، بلکې تر ټولو ښکلي یې ارامه روح، روښانه عقل، روغ بدن، پاک او سپېڅلی زړه، جوړ او سیده فکر، د مور دعا، د پلار مهرباني، د ورور شتون، د خور مینه، د زوی موسکا او د ملګري پالنه او پاملرنه ده.
هر هغه څه چې ته یې په بیروني نړۍ کې وینې، دا یوازې ستا د درون، زړه او ذهن لید او انعکاس دی. که په زړه کې مینه ناک او خوشباوره وې، دنیا به ټوله درته له عشق او وفادارۍ ډکه ښکاري… که په شک، درد او کړاو کې اوسې، ژوند او نړۍ به ټول درته غمجن او دوکه باز ښکاري، دا ته یې چې ستړی یې نړۍ نه، د ژوند اقلیم همېشه یو ډول دی، ستا د زړه آب و هوا بدلېږي رابدلېږي، د کائناتو د ژوند هستي د ایینې په مثال ده، که ستا په زړه او فکر کې ګډوډي، هرج او مرج و، د ژوند په هستۍ کې به هېڅکله له همداسې ګډوډۍ، هرج او مرج پرته بل څه ونه وینې…
پیاوړی اوسه او مه وېرېږه!
که وډار شوې ماتې خورې، له تنګ لاسۍ ویره، له ماتې ویره له بایللو وېره؛ وېره هېڅ قوت درسره نه پریږدي، ځکه وېره او کمزوري د یوې ادې لوڼې دي.
کله چې ویرېدلی وې هفه څه چې ته ورنه ډار لرې خپل ځان ته راکشوې/جلبوې. دومره پیاوړی او قوي اوسه چې هره ورځ له ژوند سره ټکر شې. ژوند یوه سیالي نه ده بلکې یو داسې سفر دی چې هر قدم یې باید لمس کړې، وزیېښې او خوند ترې واخلې…
څه چې غواړې ووایې په ډیر دقت او ځیرکتیا یې وایه، کېدای شي ته به نه غواړې؛ خو یو څوک به ورباندې ودردېږي او زړه به یې مات شي.
څه چې اورې په اړه یې ډیر دقیق/باریکبین مه اوسه، کېدای شي له داسې خولې به راوزي چې ډیر فکر به ورباندې نه کوي…
