خبريال: مدثر دعوت
هلمند کې د تاريخي ابداتو ۵ بيارغونې پروژې پيل سوې.
هلمند چې يو تاريخي ولايت دی د پېړيو پېړيو راهيسې تمدنونو ترڅنګ د جګړو او نا امنيو شاهد دی چې پدې لړ کې يې د نورو اړخونو ترڅنګ تاريخي ابداتو او اثارو هم لوی زيانونه ليدلي چې يو ښه مثال يې د بست کلا ده.
خو له کلونو وروسته دا موقع برابره سوه چې د هلمند پنځه مشهور ځايونه چې کابو په يوه سيمه کې موقعيت لري د بيارغونې لپاره يې بودجه ځانګړې سي او د بيا رغونې چارې يې پيل سي.
د اطلاعاتو او فرهنګ وزارت د انکشافي بوديجې څخه د ملي پراختيا شرکت په مټ د ددې پنځو تاريخي ځايونو د بيارغونې چارې د هلمند د والي تورن جنرال ياسين خان له لورې رسما پرانستل سوې.
دا پنځه پروژې چې د بُست کلا څاه ته داخليدونکي لاري او ګنبدې ترمیم د (۵۸۸۷۶۳۵) افغانۍ ، د بُست کلا د شیشک اساسي ترمیم د (۱۱۲۶۸۰۰) افغانۍ، د علامه حبان بُستي د مقبرې رغونه د (۲۵۰۳۷۵۰) افغانۍ ، د تاریخي یخچال(مشهور په تنور) رغونه د (۳۰۳۹۳۳۵) افغانۍ او د شهیدانو زیارت رغونه د (۱۹۰۱۷۶۰) افغانۍ په ارزښت ترسره کیږي
پدې مراسمو کې د طلاعاتو او فرهنګ د رئيس حميدالله وياړ او نورو ادارو رئيسانو ترڅنګ ځوانانو او سپين ږيرو هم ګډون درلودی.
د هلمند والي ددې پرژو د بيارغونې پيل يو بې ساری پرمختګ ياد کړ او د تاريخي ابداتو رغونه يې د خپل ماموريت له پيله په لومړيتوبونو کې نيولي وه چې په بريا سره يې دې هدف ته ځان ورسوی،چې لا به هم دوام وکړي.
ياسين خان د رسنيو سره په خبرو کې وويل چې ددې پروژو په بيا رغونې سره به د هلمند تاريخي ارزښت وساتل سي او دې ولايت ته به په ملي او نړيواله کچه توجه زياته سي چې د سياحت په يوې مهمې سيمي به بدل سي.
د هلمند د اطلاعاتو فرهنګ رئيس حميدالله وياړ ددې پروژو پيل يوه لاستنه راوړنه وبلله او لښکرګاه ښار اړوند د کاریز او بُست کلا سيمو له خلکو يې غوښتنه وکړه چې ددې پروژو په څار او ساتنه کې له دوی سره مرسته وکړي.
وياړ وويل چې ددې سيمې اکثريت ځوانانو او خلکو ته ددې پرژو د پيل سره د کار زمينه هم برابريږي.
په وروستيو کې د هلمند والي او د اطلاعاتو فرهنګ رئيس ته د سېمې د مشرانو له لورې د وياړ بګړۍ هم ور په سر سوې