لیکوال : ټریسي
ژباړن : میا عبدالرحمن ” آریوبي ”
عمل هر څه دی. نن پرېکړه وکړئ چې دا نظریه پلې کړئ. ستونزه ښکل کړئ او د خپل ژوند له ناخوښوونکو حالتونو سره مخ مقابله وکړئ. په دې ډول به په پشپړ مثبت، خوښ او روغ کس بدل شئ .
۱- د ژوند چنګښې یعنې هغه منفي کسان، حالات او خاطرې چې تاسې د منفي احساساتو په ډنډ کې ډوبوي وپېژنئ او ورسره سالمه مبارزه وکړئ.
۲- په دې وپوهېږئ او ومنئ چې تاسې په بشپړ ډول ښه کس یۍ او د فوق العاده ښه ژوند لپاره بالقوه پوتنشیل لرئ .
۳- نن پرېکړه وکړئ چې که کله د ژوند له منفي حالت سره مخ کیږئ، په یوه ځل د تل لپاره د هغه له شره به ځان بې غمه کوئ او تسلیمږئ به نه.
۴- د بل هر کس له رټلو، محکومولو او غندلو ډډه وکړئ. د دې پر ځای د هر هغه څه لپاره مسؤولیت ومنئ چې اوس یئ او یا به په راتلونکې کې واوسئ .
۵- خپل ځان له قید او شرط پرته ومنئ او په ځان باور د دې جملې په تکرار لوړ کړئ: ( زه له ځان سره مینه لرم) یا ( په ما خپل ځان له هر قید و شرطه پرته گران دی.)
۶- له هر کس سره چې وینئ؛ داسې چلند ورسره وکړئ چې ګواکې هغه د نړۍ تر ټولو مهم کس، ګلالی شهزاده او یا ښکلې شهزاده ګۍ ده .
۷- په پشپړ مثبت کس د بدلېدلو لپاره اووه لارې چارې تمرین کړئ او خپل بالقوه پوتنشیل آزاد کړئ، څو په هغه څه بدل شئ چې وړتیا یې لرئ .
۸- په هره ستونزه، سختۍ او یا له بلې هرې چنګښې سره د مخامخېدو پر مهال په مثبتو ټکو پسې وگرځئ. تل به د ټې ترلاسه کولو لپاره یوه لاره ومومئ .
۹- په هر خنډ کې ارزښتمن درس ومومئ او هڅه وکړئ له هر خنډ یا ستونزې نه یو درس زده کړئ .
۱۰- تاسې ډېر ښه کس یاست. تاسې د بریالیتوب او سترتوب لپاره طرحه شوي یاست. ستاسې وړتیا او توان تر هغه زیات دی چې وکړای شئ د سلو کلونو لپاره یې وکاروئ. په اصل کې هېڅ داسې څه نشته چې د کافي وخت په لگولو، زیاته هڅه او په هغه د کار له لېوالتیا سره ترلاسه نه شي .
کله چې زده کړئ خپل ذهنې خنډونه لرئ کړئ؛ هر هغه کس چې تاسې ته یې یو ډول زیان رسولی، وبښئ او ځان دې ته وقف کړئ، څو له نورو کسانو سره په اړیکو او کار کې په تر ټولو غوره کس بدل شئ؛ هغه وخت به د خپل ځان بشپړ کنټرول په لاس کې ولرئ. له دې کار سره خپلې ټولې وړتیاوې لوړوئ او خپل ځان د روغتیا، خوښۍ، ښو اړیکو، ډېرو بریاوو او پشپړ رضایت په تګلوري برابروئ.
