خبريال: مدثر دعوت
ويسټ انډېزی کرکټر ډواين براوو د هندي کرېکټر مهندرا سينګ ډهوني لپاره سندره وايي.
ډواين براوو د کرکټ د نړۍ يو ستر نوم دی چې په نړيواله کچه يې د غوره کرکټر نوم خپل کړي دی.
براوو چې په هندوستان پرېمر لیګ کې د مهندراسينګ ډهوني تر لوبډلمشرۍ لاندې په چنای سوپرکينګز لوبډله کې لوبېږي غواړي خپل لوبډلمشر ته د ځانګړي ميني پخاطر سندره ډالۍ کړي.
د چنای سوپرکينګز لوبډلې پر رسمي ټويټر اکاونټ د براوو يوه ويډيو خپره شوې چې دی پکې د خپلې راتلونکې سندرې څو برخې وايي.
Champion @DJBravo47's next song is for 'his brudah, his brudah from anodah muddah' – @msdhoni No.7! 😍🦁💛 #AnbuDenLions #WhistlePodu pic.twitter.com/4075ewbJti
— Chennai Super Kings (@ChennaiIPL) April 20, 2020
براوو پر خپل انسټاګرام اکاونټ هم د يادې سندرې ټيژر خپور کړی او ورسره ليکلي يې دي چې د خپل ورور مهندراسينګ ډهوني په کليزه کې به ورته ځانګړې سندره ډالۍ کړي.
https://www.instagram.com/p/CBx-g-inklJ/?igshid=xh6kelcnj5vj
براوو څو کلونه وړاندې چمپنز سندره وويل چې د کرکټ د مينهوالو له لوري له خورا تود هرکلي سره مخ شو چې د چمپينر ډانس يې ځانګړی شهرت او مينهوال پيدا کړل.
ډي جې د چمپينز ټېم څخه مننه کړې چې د دې نوې سندرې په جوړولو کې يې ورسره مرسته کړې ده.
همدارنګه نوموړي خبرداری ورکړی چې په دې سندرې کې يې د ډهوني لپاره د هليکوپټر په نامه ځانګړی ډانس کړی چې خاص به د ډهوني لپاره وي.
براوو د ۲۰۱۱ز کال راهيسې له چنای لوبډلې سره دی چې په ۱۰۴ لوبو کې يې ۱۲۲ ويکټې ورته اخیستې دي.
همدارنګه نوموړي دوه ځلې په ۲۰۱۳ ز او ۲۰۱۵ ز کلونو کې د IPL د ډيرو ويکټو خولۍ هم ګټلې ده.
براوو او جديجا يوازني هغه لوبغاړي دې چې په IPL کې يې تر زر ډېرې منډي او تر ۱۰۰ ډېرې ويکټې اخيستې دي.
د مهندراسينګ ډهوني په لوبډلمشرۍ د چنای سوپر کينګز لوبډله درې ځلې د هندوستان پرېمرليګ اتله شوې، همدارنګه د نوموړي په لوبډلمشرۍ کې د هندوستان کرکټ ملي لوبډلې د يو ورځنيو او شل اووريز نړيوال جامونو تر څنګ د چمپينز تراپۍ اتلولي هم خپله کړې ده، خو د ۲۰۱۹ز تر نړيوال جام وروسته ډهوني ملي لوبډلې ته نه دی راستون شوی او لا يې هم سرنوشت نه دی مالوم.
د ۳۸ کلن ډهوني کليزه د را روانې جولای مياشتې په اوومه نېټه ده.