خبريال: مدثر دعوت
بوريس جانسن چي اونۍ وړاندي د کرونا ويروس له کبله په روغتون کي بستر سوی وو نن بيرته رخصت سو.
وروسته تر هغې چي د انګلستان د لومړي وزير حالت د انديښنې وړ وښودل سو،د ښه مراقبت په منظور د جنوبي لندن د توماس په نوم روغتون ته وليږدول سو.
د لومړي وزير وياند ويلي: ” جانسن اوس روغ سويدی، ډاکترانو ورته ويلي چي په روغتون کي يې د پاته کيدو اړتيا نسته”.
ډاکترانو لومړي وزير ته مشوره ورکړې چي خپلي دندي ته دي ژر نه ځي او د يوڅه وخت لپاره به ارام کوي.
د مارچ په ۲۷مه نيټه د جانسن د کرونا ازمويني مثبته پايله ورکړې وه،د تيري يکشنبې په ورځ پداسي حال کي روغتون ته وليږدول سو چي روغتيايي حالت يې د انديښنې وړ وو.
انګلستان کي تر دې مهاله ۷۸۹۹۱ کسان په کرونا ويروس اخته دي چي له امله يې ۹۸۷۵ کسان مړه سويدي.