د اروپا د اتلانو لیګ د دوهم پړاو په سیالیو کي نن شپه بارسلونا د ناپولي فوټبال لوبډلي سره لوبیږي.
دا لوبه د ناپولي په کوربتوب ایټالیا هیواد کي نن شپه ۱۲:۳۰ بجې پيلیږي.
بارسلونا لوبډله د دې لوبي لپاره پرون ایټالیا ته ورسېده او د چمتوالی خبر ئې ورکړی.
د دې ترڅنګ نن شپه پر عیني وخت چلسي او بایرن مونیخ فوټبال لوبډلي هم سره لوبیږي.
خو سبا بیا جیونټوس د لیون په وړاندي او ریال ماډریډ بیا د منچسټر سیټي په وړاندي د لوبي ډګر ته کښته کیږي.
دا د اروپا د اتلانو لیګ د دوهم پړاو دوهمه اونۍ ده.
په تېره اونۍ کي اتلاتیک ماډریډ ۱ ګول پر ۰ لیورپول ته، دورتمند ۲ ګولونه پر ۱ پاستژرمېن ته، اتلانتا ۴ ګولونه پر ۱ والینسیا ته او لیپزیک بیا ۱ ګول پر تاتنهام ته ماته ورکړه.
د دې لیګ دوهم پړاو ته ۱۶ لوبډلو لاره پیداکړې، چي دا لوبډلي د تګ او راتګ په ډول دوه ځلي یو د بل په وړاندي لوبیږي.
د اروپا د اتلانو لیګ د تېر پړاو اتلولي لیورپول فوټبال لوبډلي خپله کړې وه.
