ليکنه: مدثر دعوت
پوره لس کلونه وړاندي په ۲۰۱۰ز کال کي د کرن جوهر په ډايريکټرۍ سره يو لا جوابه کيسه لرونکی او د غوره اداکارۍ څخه جوړ فلم نندارې ته وړاندي سو.
می نيم ايز خان فلم کي د باليووډ باچا شاهرخ خان او کاجول د فلم مرکزي لوبغاړي دي،چي د سينما پوهانو د ۱۰ نومرو څخه يې ۸ نومرې وګټلې.
می نيم ايز خان د رضوان خان په نوم يو رښتيني مسلمان ځوان د ژوند څخه جوړه کيسه ده چي د خپل مور د مرګ څخه وروسته امريکا ته ځي،په هوايي ډګر کي د مسلمانۍ په نامه ډير و زورول سي او په ساعتونو ساعتونو انتظار سي.
د خپل ورور ليدو ته ځي خو وروسته يې ورينداره چي روانپوه ده ورباندي پوهيږي چي رضوان د اسپرګر سنډروم په نوم ناروغۍ اخته دی.
رضوان (شاهرخ خان) په ناڅاپي ډول د هندو مذهبي ميندرا ( کاجول) سره چي ارايشګره ده مخ کيږي ،پر مينيږي چي وروسته واده ورسره کوي تر هغې يې ژوند ارام وي چي کله د سپټمبر په يوولسمي نيټې د امريکا په تجارتي برجونو کي د طيارو د ټکر پيښه رامنځته کيږي.
په امريکا کي د مسلمانانو سره حساسيتونه ډيريږي تر هغې چي رضوان د امريکا متحده ايالات د ولسمشر بارک اوباما سره ګوري او ورته وايي زما نوم خان دی خو زه ترهګر نه يم.
می نيم ايز خان فلم په ۱۰۰ کروړه جوړ سوی وو، که څه هم په سياسي لحاظ او د اسلام د مذهب د ښه وړاندي کولو په خاطر هندوانو ډير کوښښ وکړ چي ياد فلم ناکامه کړي خو د ډيرو ننګونو سره سره لومړی باليووډي فلم سو چي په نړيواله کچه ۲۲۳ کروړه تجارت کوي.
شاهرخ خان لس کلونه وروسته د کرن جوهر څخه ددې په زړه پوري فلم په خاطر مننه کړې او وايي هرکله ددې فلم انځورونه ګورم او دا مي د مسلک بهترين فلم دی.
کاجول هم د ټويټ له لاري ددې فلم څو انځورونه په ويډيويي ډول شريک کړي او خپل احساسات يې څرګند کړي.
مای نيم ايز خان فلم په ۲۰۱۱ز کال کي ۲۵ جايزې وګټلې ، او د ۸۴ ايوارډونو لپاره کانديد وو.
د فلمفير،ايفا،زي سينما،جيما،ګلډ او ځيني نور ايوارډونه وه چي د فلم ډايريکټر،جوړوونکو او لوبغاړو ته ورکړل سوه.