ليکنه: مدثر دعوت
د افغان ملي لوبډلي د جوړښت څخه بيا تر اوسه محمدنبي يوازنی هغه لوبغاړی دی چي تربل هر لوبغاړي د کريکټ په هر اړخ کي که توپ اچوونه ده ياهم توپوهنه، يو نه هريدونکی،با ارزښته او پياوړی لوبغاړی دی.
ښکاري چي د بنګلديش سره روانه ټيسټ لوبه به يې وروستۍ وي او د کريکټ ترټولو مهم فارمټ پريږدي.
خو دايې ښه پريکړه نده کړې که څه هم يو ځوان لوبغاړي ته به چانس ورسيږي خو افغانستان اوسمهال تازه ټيسټ ته داخل سوی او د نبي په څير باتجربه لوبغاړو ته ډيره اړتيا لري.
افغان لوبډله په ټيسټ کي د قوي لوبډلو سره مخ کيږي، سيريزونه کوي او د سور توپ کريکټ کي به په ورځو ورځو ستړيا تيروي.
په شل اووريزو ياهم يو ورځنيو لوبو کي چي کله افغان لوبډله د توپ اچووني په برخه کي ترفشار لاندي راځي نو يوازنی انتخاب د لوبي د کنټرولولو لپاره محمدنبي دی چي ښه ثابتيدلای سي.
نبي هغه الراونډر دی چي د توپ اچووني په برخه کي ډيري لږ منډي ورکوي نوځکه په ټيسټ کي همدې ډول توپ اچوونکو ته اړتيا ده.
په افغان لوبډله کي ډير کم لوبغاړي د ټيسټ لپاره جوړ دي نور يا بې زغمه دي يا هم نوي او بې تجربې دي.
شاید د نبي د تقاعد دليلونه ډير وي او ياهم دده لپاره قناعت بخشه وي خو د افغانستان لپاره به زيان وي.
نبي د افغان لوبډلي او ملت لپاره تاريخ دی،هغه تاريخ چي ورباندي وياړ کيږي.