د هندي سینما مشهور فلم ستوري سلمان خان د خپل فلم (نوټ بک) څخه د پاکستاني تکړه سندر غاړي عاطف اسلم نوم لري کړی.
د هندي کشمیر کې د پلوامه ځانمرګي برید وروسته چې په کې د هند یو شمېر نیمه نظامي ځواکونه ووژل شول هندیان سخت غوسه کړل او د سیاسیونو، کرکټ لوبغاړو نیولي تر فلمي ستورو ټولو په دغه پېښه سخته خواشینې ښودلې او تر څنګ یې په یو نه یو ډول سره د پاکستان هېواد سره خپله دښمنې څرګنده کړې ده.
د پلوامه ځانمرګي برید وروسته د پاکستان سره د هندیانو دښمني پيل کې یوې هندې کمپنۍ د پاکستان سوپر لیګ د خپرولو انکار وکړ، ورپسې تېره ورځ د هند لومړي وزیر نریندرا مودي پر پاکستاني سندر غاړو او پاکستاني فلم لوبغاړو او ډرامې کارکوونکو بندیز ولګاوه او دا ځل اوس ایکسپریس نیوز خبرې ویبپاڼه وایي، سلمان خان د خپل فلم څخه عاطف اسلم نوم لری کړی او نه غواړي چې دا ځل یې فلم کې دغه مشهور سندرغاړی سندرې ووایي.
رپوټونه وایي، سلمان خان د نوموړي په پروډکشن کې جوړېدونکي فلم (نوټ بک) څخه پاکستان سندرغاړی عاطف اسلم ویستلی او د معلومات له مخې پروډکشن هاؤس سلمان خان فلم سمدستي د یاد شوي پاکستاني سندرغاړي پر ځای هندي سندرغاړی نیولی.
د معلوماتو له مخې، د فلم د سندرو دویم ځلي ریکارډ به یو یا دوه ورځو کې پيل شي.