ژباړه: عطا محمد میاخېل
یو روسي مهندس یو شمېر مسلمان کار کوونکي په کار وګمارل، مسلمانو کارکوونکو به د آذان پرمهال کار پرېښوده او خپل لمونځ به یې کاوه.
یوه ورځ روسی مهندس دې ته متوجه شو، چې دوی د کار پرمهال لمونځ ادا کوي، مهندس کار کوونکو ته اخطار ورکړ، که هرچا د کار پرمهال لمونځ ادا کړ، نو میاشتینی معاش به کم کړم، ځینو له دې وېرې، چې معاش یې کم نه شي، نو له کار څخه وروسته به یې لمونځ کاوه او ځینو نورو به هماغه ټاکلي وخت لمونځ ادا کاوه.
میاشت پای ته ورسېده، روسي مهندس هغو کسانو ته، چې خپل لمونځ یې نه و پرېښی او په خپل وخت به یې ادا کاوه، له خپل معاش څخه ډېرې پیسې ورکړې، نورو کارکوونکو اعتراض وکړ، چې ولې دې، دې کسانو ته ډېرې پیسې ورکړې؟ مهندس وویل: خپل لمونځ ته د دې کسانو ارزښت ورکول او د معاش کمښت ته ارزښت نه ورکول، د دې ښکارندویي کوي، چې ایمان او باور یې له تاسو څخه ډېر زیات دی، دا ډول کسان هېڅکله په خپل کار کې خیانت نه کوي، لکه څنګه یې چې له خپل لمانځه سره خیانت ونه کړ؛ کوم کسان چې له الله (ج) سره خیانت ونه کړي، نو د خدای (ج) له مخلوق سره هم خیانت نه کوي.
هغو کارکوونکو چې اعتراض کړی و، خجالت او وشرمېدل او حتا تر دې چې خپل کار یې پرېښوده او په خپله مخه ولاړل.
جنیفر ویلیامز وایي: قرآن مې ولوسته، ترڅو د مسلمانانو له ترهګریزو عقایدو سره آشنا شم، خو کله مې چې پای ته ورساوه، نو مسلمان شوم.