ژباړه: حمیدالله حمیدي
کله، چې زیات په غوسه وۍ هڅه وکړئ مودب و اوسئ. که د غوسې پر وخت مو له خولې بدې خبرې ووځي، معلومه خبره ده، چې مقابل طرف هم چپ نه پاتې کېږي اوهغه شرم، چې له تاسو څخه یې لري، نور ورته اهمیت نه لري او په ورته عمل لاس پورې کوي.
ځینې جوړې نه شي کولای، چې بې له دعوې او جنجال څخه خبرې وکړي، ځکه د خبرو کولو پر مهال ترې تېروتنه کېږي او دا خبره د دې لامل کېږي، چې له یو بل سره خبرې په دعوه او جنجال بدلې شي. کېدای شي تاسو هم له یوې داسې پېښې سره مخ شوي وی، چې خبرې کوی، خو یودم مو مېرمنه درته په غوسه کېږي، کېدای شي له ځانه وپوښتئ، چې ما خو کوم داسې څه نه دي ویلي، چې د مېرمنې د غوسې لامل مې شي، اصلي خبره دا ده، چې کېدای شي تاسو سمې خبرې کړې وي، خو مېرمنې مو تر بل ډول برداشت کړی وي او همدا د دوی په اند بد برداشت یې د دې لامل شوی ، چې مېرمن موپه غوسه شي او له تاسو سره دعوه پیل کړي.
هېڅکله د اوږدې مودې لپاره غوسه مه کوئ. او یا هم هېڅکله بې له دې چې په کور کې مو احوال نه وي ورکړی له کوره مه وځئ ، ستاسو په اند که مو فکر سم نه وي کولای شئ، چې د خپل مور او پلار او یا هم له یوه نیږدې دوست کره ولاړ شئ، خپل د ژوند ملګري ته وایئ، چې فکر مې سم نه دی زه نن د فلاني کې کره ځم تر څو وضعیت سم شي!.
هېڅ هوښیار کس دا ډول تېروتنه نه تر سره کوي، او که یې تر سره کړي، دا به لویه بې ادبي وي، ښه دی چې د غوسې پر مهال په خپل کور کې پاتې شئ او یو د بل په څنګ کې و اوسئ، که خدای مه کړه داسې څه تر سره کړئ، چې د لنډ وخت لپاره خپل کور پرېږدئ دا به لویه بې ادبي وي، په داسې وخت تاسو یوه او بل ته اړتیا لرئ، چې د یوه او بل په څنګ کې اوسئ. له یو بل سره داسې چلند وکړئ، چې احساس کړئ یو بل ته پوره احترام لرئ.
لومړی د خپل ځان په اړه فکر وکړئ، او د ژوند ملګری مو مه مجبوروئ، چې خپلې خبرې اصلاح کړي. کېدای شي دغه څه چې یاداشت کړي مو دي په یوه داسې ځای کې کېږدئ، چې د مقابل کس یعنې ستاسو د ژوند د ملګري سترګې پرې ولګېږي.
د اونۍ له سره مو خپلو خبرو ته پام وکړئ، داسې خبرې مه کوئ، چې په وسیله یې ستاسو د ژوند ملګری خواشینی او یا غوسه شي. هرشپه د خپلو هغه خبرو په اړه فکر وکړئ، چې د ورځې په اوږدو کې مو کړې دي. هغه تېروتنې چې د ورځې په اوږدو کې درڅخه شوې دي یاداشت یې کړئ.