په ۲۰۱۷ م کال کې پر یوټیوب تر ټولو ډیره کتل شوې ویډیو

عصري، سپینه او فیشني داخلي ډیزاین دیاران له لوګو سره

د یوټیوب د ویډیوګانو د لیدنې شمیرې ښيي چې په ۲۰۱۷ کال کې تر ټولو مشهوره ویډیو د تایلینډ د موسیقۍ د یوې مخې پټې سیالۍ ویډیو ده چې برخه اخیستونکي په کې د خپل هویت د پټ پاتې کیدو لپاره له ماسک سره سندرې وايي.
د تایلینډ د موسیقۍ دا سیالي د” ماسک لرونکي سندرغاړي “ په نوم یادیږي او سږکال په ټوله نړۍ کې د همدې سیالۍ یو کلیپ تر ټولو زیات لیدل شوی دی.
په دې کلیپ یو سړی چې سر ترپایه په صدفي جامو کې پوښلی دی، یوه سندره وايي چې نندارچیان په ولولو راولي. ددې سندرې سر بند داسې ژباړل کیدای شي: ” تر هغې درسره مینه لرم چې نړۍ په ګردوغبار بدله شي.“

د سندرو دا سیالي په تایلنیډ کې د مشهورو څیرو ترمنځ د سندرو سیالي ده. دا ویډیو په ۲۰۱۷ م کال کې تر درې میلیاردو په زیاتو ځلونو کتل شوې ده.
(د ماسک لرونکي سندرغاړي ) سیالي لومړی کوریا کې پیل شوه چې وروسته تایلنیډ ته پراخه شوه.
یو ټیوب د خپل کال تر ټولو ډیره مشهوره ویډیو د کتنو د شمیر پر بنسټ نه ټاکي، بلکې دا چې څومره شریکه شوې، څومره خوښه شوې، څومره تبصرې پرې شوې ټاکلې ده.
یوټیوب چې د افغانستان په شمول په ټوله نړۍ کې د ویډیو د شریکولو تر ټولو لوی سایټ دی، ددې ویب پاڼې مشهوره ویډیو دا ښيي چې تیر کال نړۍ په څه اخته وه.
دا لومړی ځل دی چې د تایلینډ یوه ویډیو د یوټیوب د کال مشهوره ویډیو کیږي.
که څه هم د موسیقۍ په برخه کې بله ډیره لیدل شوې ویډیو “Despacito,” یا (په ورو ) ده چې نژدې څلور نیم میلیارده ځل کتل شوې ده. خو دا چې د موسیقۍ ویډیوګانې تل ډیر لیدونکي لري نو سږکال یوټیوپ د مخکښو موزیک ویډیوګانو لپاره بیخي یو جلا لیست جوړ کړی دی.
په ۲۰۱۷ م کال کې د یوټیوب لس مشهورو ویډیوګانو په ګډه ۶۳۳ میلونه کتنې لري چې له تیر ۲۰۱۶ م کال څخه د مشهورو ویډیوګانو کتنې ۸۳ میلونه زیاتې دي.
د یوټیوب د ۲۰۱۷ م کال لس مشهورې ویډیوګانې:

په ۲۰۱۷ م کال کې په یوټیوب کې ډیرې کټل شوې لس د موسیقۍ ویډیوګانې: