د آرجنټاین هیواد او بارسلونا کلب تکړه او مشهوره فوټبالر لیونل میسي د اسپانوي کلب بارسلونا لپاره یو بل ریکارډ هم په خپل نوم ثبت کړ.
لیونل میسي لومړنی لوبغاړی سو، چي د بارسلونا کلب لپاره ۵۰۰ بریاوي خپلوي.
وړمه شپه بارسلونا کلب د کوپادلرې کپ په سیالیو کي د لګانس په وړاندي ولوبېد، چي په یاده لوبه کي بارسلونا ۵ ګولونه پر ۰ لګانس ته ماته ورکړه.
په یاده لوبه کي دوې ګولوهني لیونل میسي، خو پاته درې ګولونه بیا ګریزمېن، لینګلیت او ارتور ولګول.
په دې سره میسي په اسپانیا کي لومړی لوبغاړی سو، چي د یوې لوبډلي لپاره ۵۰۰ بریاوي خپلوي.
نوموړي یاد ریکارډ ته په ۷۱۰ لوبو کي ځان ورساوه، چي د بارسلونا لپاره ئې یادي ۵۰۰ بریاوي په ۷۱۰ لوبو کي ورپه برخه کړي دي.
میسي په نړۍ کي یوازینی فوټبالر دئ، چي شپږ ځلي ئې د سرو زرو بوټ او شپږ ځلي ئې بیا د سرو زرو توپ ترلاسه کړی.
باید وویل سي، چې لیونل میسي د بارسلونا لپاره لومړۍ لوبه په ۲۰۰۴م کال کې ترسره کړه او تر دې مهاله ددغې لوبډلې تر ټولو زیات ګول وهونکی لوبغاړی دی.
لیونل میسي د نوري نړۍ ترڅنګ دلته افغانستان کي هم ګڼ شمېر مینوال لري.
