د اسپانیا هیواد لالیګا لیګ د ۲۴مي اونۍ لوبو څخه تېره شپه بارسلونا د ختافې فوټبال لوبډلي په وړاندي ولوبېده، چي یادي لوبډلي ته ئې ۲ ګولونه پر ۱ ماته ورکړه.
په یاده لوبه کي د بارسلونا لپاره انتونیوګریزمن په ۳۳مه دقیقه کي او سرجیو روبیرتو بیا په ۳۹مه دقیقه کي ګولوهني وکړې.
خو د ختافې لپاره بیا یوازینی ګول انجیل رودریګویز د لوبي په ۶۶تمه دقیقه کي ترسره کړ.
دا لوبه د بارسلونا لوبډلي په کوربتوب په نیوکمپ فوټبال لوبغالي کي ترسره سوه، چي پر مهال ئې لوبغاړو د چین سره د کرونا ویرس په اړه د غم شریکۍ په موخه څو چینايي کوچنیان لوبغالي ته له ځان سره بوتلل.
په پرونۍ بریا سره بارسلونا لوبډلي په لالیګا لیګ کي خپلي نمرې ۵۲ته پورته کړې.
ها خوا نن شپه بیا د نړۍ بل قوي د فوټبال کلب ریال ماډریډ هم لوبه لري.
ریال ماډریډ به نن شپه ۱۲:۳۰ بجې د سلتاویګو فوټبال لوبډلي سره ولوبیږي.
دا لوبه د ریال په کورني لوبغالي سانتیاګوبرنباوو کي ترسره کیږي.
ریال ماډریډ هم په یاد لیګ کي تر ننۍ لوبي مخکي ۵۲ نمرې لري او د جدول په لومړي ځای کي شتون لري.
