د امریکايي مجلې BMJ Case Reports د راپور په بنسټ په امریکا متحده ایالاتو کي یوه داسي نجلۍ پيداشوې، چي دوې خولې او دوې ژبي لري.
د یادي مجلې د راپور په بنسټ دوې خولې او د دوو ژبو درلودونکي نجلۍ تر پيدايښت مخکي د مور له ګیډي یې تصویرونو کي ښکارېدله، چي د هغې د خولې سره په زیاته اندازه نوره غوښه شته.
وروسته تر پيدايښت ولیدل شوه، چي نجلۍ دوې خولې او دوې ژبي لري.
امریکايي ډاکټران وايي، چي د پيداشوي نجلۍ دوهمه خوله د لومړۍ خولې سره هیڅ تړاو نلري او نه هم په ساه اخیستلو او نه هم په خوراک کي ورته کومه ستونزه جوړیږي.
دوی وايي، چي دا نجلۍ به تر ۶ میاشتو پوري همداسي وي او له هغه وروسته به د جراحي عملیاتو په مټ دوهمه خوله ورڅخه لیري کړي.
