په زیمبابوې کې د اسټرالیا، پاکستان او کوربه زیمبابوې د کرکټ ملي لوبډلو ترمنځ د کرکټ ۲۰ اوریزه سیالیو ۳ اړخیز سیریز کې اسټرالوي لوبډلمشر ایرون فینچ په یو اننګز کې د لوړو منډو جوړولو ریکارډ ثبت کړ.
اسټرالوۍ لوبډله د کوربه زیمبابوې خلاف په سیالۍ کې مخ شوه، چې پکې دواړه اپنرانو کپتان ایرون فینچ او ډارسي شارټ لمړی د ۲۲۳ منډو ملګرتیا د کرکټ ریکارډونو په سر کې ثبت کړه.
همدا راز په دې ۲۰ اوریزه سیالۍ کې اسټرالوي لوبډلمشر په ۷۶ بالونو د ۱۰ شپږیزو او ۱۶ څلوریزو پر مټ ۱۷۲ منډې جوړې کړې، چې تر دې وړاندې په نړیوال کرکټ کې دومره لوړې منډې د کوم توپ وهونکي لخوا نه وې جوړې شوې.
له دې وړاندې هم نوموړي په ۲۰۱۳ م کال کې د انګلستان خلاف ۲۰ اوریزه سیالۍ په یو اننګز کې ۱۵۶ لوړې منډې جوړې کړې وې، چې تر اوسه یې لمړی مقام درلود.
په سیالۍ کې اسټرالوۍ لوبډلې زیمبابوې ته د دوه لوبغاړو په سوځیدو د ۲۳۰ منډو هدف ورکړ او هم یې د نیوزیلینډو اوپنرانو برینډن مکلم او مارټین ګوپټیل د ۱۷۱ منډو ملګرتیا څخه وړاندې والی خپل کړ.
د یادونې وړ ده، چې به وروستیو څو ورځو کې د اسټرالوۍ لوبډلې بدترینه سفر د انګلستان خلاف پای ته ورسید، چې پکې انګلستان اسټرالیا ته د ۶ لوبو په لړۍ کې په مسلسل ډول سره ماتې ورکړې، خو د زیمبابوې په کوربه توب ۳ اړخیز سیریز ته یې ارادې بدلې ښکاري، ځکه چې وړمه ورځ یې لمړی پاکستان او د پرون ورځ په سیالۍ کې کوربه زیمبابوې ته د ۱۰۰ منډو په توپیر سره ماته ورکړه.
